OPPA韓國燒肉店 (已結業)

今日嚟到大埔呢間oppa燒肉~佢嘅任食燒肉都好出名，我哋揀咗要弘大燒肉放題！呢個餐就包一杯飲品，如果想要任飲呢就要再另外加錢呀，不過佢有水同埋茶自助，我覺得唔使加嘢飲都可以～一坐低店員已經會幫我哋整咗個泡菜蛋係個燒烤版嘅隔離先，跟住之後就會上埋啲前菜，分別有海帶、芽菜、泡菜、醃蘿蔔，最好食係泡菜同埋醃蘿蔔，食到我哋停唔到口係咁加，同埋夠晒解油膩感我哋可以食到多好多嘢！一開始店員就上咗個牛嘅拼盤，入邊真係有超多唔同款式嘅牛，黑毛和牛肩真係好正，所以大家都可以考慮吓升級要返另一個放題餐嗰個就可以係任食更加多嘅和牛！佢嘅熟食都好正，人蔘雞湯夠晒解熱氣，我哋都飲咗好多碗！豬腩肉夠晒油膩，同埋菜仲有醬一齊食即刻可以食多幾舊！超吸引，最後仲有movenpick雪糕! 勁完美！