J POT (已結業)

因為喺銅鑼灣返工 通常同班同事係銅鑼灣食晚飯 呢間餐廳自從一個月多前開張 呢次已經係我同班同事第二次放工黎烚下烚下 我哋再次光顧嘅原因 都係因為呢度較其他火鍋店乾淨衛生 店內既侍應雖然看落年輕 但服務殷勤 睇得出呢間餐廳對員工有一定的培訓 每次我地舉手要叫人 總會有人立刻幫你 再諗返起平時去酒樓打邊爐所受到既對待 呢間餐廳總會有魔力令我地再次encore 。除左服務值得一讚 對於我地一班女仕黎講 我地真係好鬼鍾意呢間餐廳標明不含味精既湯底 令我地打邊爐都打得無咁罪惡感重。 比起上一次黎幫襯呢間餐廳 可能為左迎合香港人既要求 好明顯食物種類增加左好多 除左佢地招牌既日山和牛 其他食物價錢都合理 質素都好高 雖然日山和牛價位唔平 但每次我地都會叫 因為實在大好食 做左成日野 當然要好好慰勞下自己。