極尚大喜屋

營業中

休息中

今日收早約朋友下午茶，朋友提議食放題早場，約咗去旺角雅蘭中心極尚大喜屋食兩小時放題，店員安排大卡位非常寬敞坐得舒服。刺身有松葉蟹腳，多種魚生，甜蝦，赤蝦，各種貝類及北海道鮮帶子，都是好新鮮鮮甜，落單後幾分鐘就送到，上菜快而準。除刺身外，壽司亦係必食，有刺身壽司，創作壽司，火炙壽司，軍艦，卷物，欣賞用料上盛壽司飯又特別好食。仲有天婦羅，炸物，燒物，串燒，一品料理同煮物。自助區有多款飲品，生果，冷盆，熱食，甜品同雪糕都係任食。最欣賞大喜屋會定期推出新食品，有鵝肝醬薄牛壽司，胡麻醬拖羅蓉大赤蝦，極尚手工叉燒等等……全部都係優質。最後我都係要食埋我最愛嘅芝麻雞翼同紅燒乳鴿，真係好好味，食飽飽。