勝香園

營業中

休息中

中上環啲舖頭通常都唔開星期日，所以就捉緊星期六依日放假，同朋友拜會一下依間馳名嘅大排檔茄牛通。接近下午茶時間去到，離遠已經見到有人龍，仲block埋隔離咖啡店添。叫左個茄牛通，一句講晒，不外如是，完全唔明點解咁多人吹捧佢，個茄湯係濃既，但就係普通正常野。仲叫左個牛油檸檬汁蜜糖脆脆，連平時咁鍾意食多士，奶油豬既我，都覺得個脆脆麻麻地，可能唔岩我口味，幾種野唔太夾，冇乜滿足感。唯一可以讚嘅就係杯奶茶，正宗港式絲襪奶茶味，而佢嘅奶味仲會濃少少，好岩我。排檔咁既環境，唔好預期好舒服，但係中上環依啲area，又幾有風味嘅，不過怕熱嘅人士，就唔好大熱天時去啦。