味香薈x羊癮起

營業中

休息中

最近土瓜灣開咗間外賣店，以客家風味為主，門外掛着一個個木牌展示食物種類，有秋冬限定嘅羊腩煲，新張優惠招牌手撕雞半隻$55-，口水雞1隻只係$70蚊，的確抵食，買幾個返屋企做晚餐。秋冬羊腩飯，不時不食，秋冬季節當然要個羊腩飯，羊腩好入味炆得腍，份量幾多，而且有冬菇、竹筍、枝竹同馬蹄，配菜都夠晒入味，而且飯餸分開，咁就可以多啲汁，返到屋企依然新鮮熱辣辣。招牌手撕雞本身有咸味，雞有咬口而嫩滑，加入芝麻同醬汁，好食。咸酸菜炆豬肉，又係正宗客家菜之一，咸菜咸味適中而爽脆，豬腩肉夠入味，肥瘦恰當啖啖肉香同油香送飯一流。特別一提，白飯用荷葉包住蒸煮，保持濕度仲有淡淡嘅荷葉清香。