影片
更多
2017-09-08
367 瀏覽
係美國捱左三個星期垃圾食物，一定要食餐似樣既廣東小菜先得呀 ﹗幸運地有燉湯飲真高興，晚晚都好早就賣晒。響螺燉雞湯，清甜甘香無比，我最愛的螺味非常突出，螺肉富彈性又可口，真材實料好好飲 ﹗就算湯渣瘦肉及雞件都同樣好味。松茸燉湯，興奮地立即連飲幾口，湯汁甜美濃郁帶著清火，真材實料，火喉到加。老火靚湯，一飲就知。以依個價錢，有如此質量，實在超值，好好飲啊 ﹗飲完全身發熱暖笠笠，真暢快。貴妃雞半隻，次次都係咪走雞，想悶死我咩？搞搞新意思。斬得幾靚喎，排得有心思，藝術品一樣呀，雞胸柳仲切花添 ﹗第一目標當然美腿為首選啦，味道正是鹽焗雞，薄薄滑溜雞皮黏著雪白雞肉，肉質結實富彈性。身材夠標準，不肥不膩，食得開心。雞胸肉軟棉腍腍，不鞋亦無起渣，滾上雞油更增甜美，合格喎。馳名粉絲蝦煲，那裡馳名呢？半點也感受不到。首先賣相與照片相距好遠，都唔靚仔既。海蝦肉霉爛又腍劈劈，新鮮度欠佳。粉絲超強蒜蓉味，散筲筲斷晒，又無鮮蝦味道。點做招牌菜？魚香茄子煲，魚香茄子真係百搭，配什麼都非常美味，炆伊麵、炆米粉、撈豉油皇炒麵、撈炒飯、炒河粉、等等，同樣好好食，當然都要視乎師傅手藝喇。雖然明知依道菜油份十分之高，但都要食架
響螺燉雞湯，清甜甘香無比，我最愛的螺味非常突出，螺肉富彈性又可口，真材實料好好飲 ﹗就算湯渣瘦肉及雞件都同樣好味。松茸燉湯，興奮地立即連飲幾口，湯汁甜美濃郁帶著清火，真材實料，火喉到加。老火靚湯，一飲就知。以依個價錢，有如此質量，實在超值，好好飲啊 ﹗飲完全身發熱暖笠笠，真暢快。
貴妃雞半隻，次次都係咪走雞，想悶死我咩？搞搞新意思。斬得幾靚喎，排得有心思，藝術品一樣呀，雞胸柳仲切花添 ﹗第一目標當然美腿為首選啦，味道正是鹽焗雞，薄薄滑溜雞皮黏著雪白雞肉，肉質結實富彈性。身材夠標準，不肥不膩，食得開心。雞胸肉軟棉腍腍，不鞋亦無起渣，滾上雞油更增甜美，合格喎。
馳名粉絲蝦煲，那裡馳名呢？半點也感受不到。首先賣相與照片相距好遠，都唔靚仔既。海蝦肉霉爛又腍劈劈，新鮮度欠佳。粉絲超強蒜蓉味，散筲筲斷晒，又無鮮蝦味道。點做招牌菜？
魚香茄子煲，魚香茄子真係百搭，配什麼都非常美味，炆伊麵、炆米粉、撈豉油皇炒麵、撈炒飯、炒河粉、等等，同樣好好食，當然都要視乎師傅手藝喇。雖然明知依道菜油份十分之高，但都要食架，民以食為天，食左先講 ﹗煲仔熱辣辣出晒煙上檯，正到震 ﹗香氣十足，籠罩整個空間，暈得一陣陣，食慾大增。急急茄子連大量肉鬆掉進舌頭上，好好好熱呢，燙親嘴仔啊。茄子軟棉棉滑溜溜，吸盡所有精華，微辣帶魚香，咸魚味濃又醒胃。肉碎味道同樣濃郁，撈飯一流 ﹗
茄子安格斯牛仔骨煲，安格斯名牌效應，好奇心驅使下試試。肉質硬到嚇親我 ﹗咬落韌到扯唔開既牛仔骨，茄子略生唔夠熟，半硬半爽，不腍不棉那會好食。整體醃味及調味還可以，不過無下次。
明火枝竹羊腩煲，雖則望落煲仔細細，但勝在件件大大舊又啖啖肉，肉多骨少開心死呀，而且炆得鬆軟腍滑，入味非常 ﹗湯底甜美味超濃郁，豐富的香料味誘感無比，沾上腐乳更是美味 ﹗除羊腩正外，配菜都一樣出色，枝竹、冬菇、竹筍、馬蹄，樣樣好食。跟煲送贈唐生菜，夠鮮爽翠綠 ﹗索盡羊腩煲既精華，捲埋腐乳勁惹味 ﹗
魚湯娃娃菜浸魚腐，魚湯水汪汪淡芋某某，好采魚腐本身有咸味，外香內彈，還蠻可口。娃娃菜清清淡淡地吃都可以，爽中帶點粗糙，食到微弱蔬甜味，非常靜態演譯的菜色，最慘係只暖不熱囉。
蝦米醬蒸魷魚球，有趣有趣，蝦醬、腐乳、銀蝦醬就聽過，蝦米醬真的聞所未聞，仲要係蒸唔係炒鮮魷，梗係要試啦 ﹗熱燙燙輕煙飄飄，香氣籠罩整個空間，立即品嚐 ﹗爽彈鮮魷表面鋪著金黃蝦米醬，極濃而香口，惹味而細膩，好想來碗白飯呢 ﹗
魚湯雙魚煲，完全不是魚湯喎，師傅落錯濃湯寶嗎？只係普通清湯底。斑球併魚腐就係雙魚喇？那麼平民化有點失望。細瓦煲載著非常樸素的豆腐卜、粉絲、什菜及雙魚，味道清淡而實在，真係估您唔到，返樸歸真、歸園田居咯。豆腐卜及粉絲都是同屬吸湯族，索盡清湯濕潤地嘴嚼，爆湯爆汁熱燙燙好舒服。斑球結實魚味濃濃，魚腐裡面滑彈而外面嚥韌香口，中規中矩。
山渣咕嚕肉，難得有懷舊菜色，功夫菜黎喎，非試不可。我就係要依隻喇 ﹗鑊氣旺盛，顏色嫩紅有光澤，吸引力十足。軟棉多汁啖啖肉，不會像生炒骨那樣炸到乾爭爭。山渣酸咪咪帶溫和甜味，加上菠蘿再添果香，醒神醒胃，好好食。
竹笙腐竹什菜齋煲，雖然見到好多食客都 order 依道菜，家人們都想來味清淡一點的，但我地真心興趣不大，不過本住一試無妨啦。前奏味味皆濃，現在才上清淡的，真係漱口咩？整道菜都淡得很，味道全靠個上湯喇，半點肉也沒有。豆腐卜發出陣油益味，又有生水味道呢。其他配料都十分普通，雞髀菇、枝竹、珍珠筍、西蘭花、竹笙、雲耳、等等，全部都係同一味道。
咸魚雞粒豆腐煲，Happy hour 特價小菜，$40 蚊加 $12 蚊包飯同例湯，又加左價喇 ﹗完全食唔到咸魚味道，幾經艱難先搵到幾粒咸魚蓉乍。朋友仔覺得炸豆腐有點苦，但我又食唔出喎。炸豆腐味道都差不多啦，可能有點油益味。其實我預計會用滑豆腐，何解又係炸豆腐呢？依個煲調味濃郁兼有大量可口芡汁，送飯一流 ﹗不過唔夠熱呢。
砂鍋魚頭煲，滾住送上，油脂四射，香味撲鼻，食慾增加不少呢 ﹗份量只有半隻魚頭，炸得透切香脆索汁最強，不過無咩肉食呢。芡汁濃郁，魚肉夠鮮，外層夠脆，食其味不食其肉，還可以既。
馬拉盞肉鬆炒白菜仔，食到悶，要用下我既腦汁，點道創意菜先，第一次馬拉盞配白菜仔。意想不到較果不錯喎，可以 encore 添。肉鬆味道濃郁帶少少香辣，炒得有鑊氣特別香口惹味。白菜仔菜鮮爽不苦澀，大注大注塞入口，多水多汁，心滿意足。見 Menu 係 set 左係馬拉盞通菜，最衰通菜已沽清呢 ﹗我問嬸嬸可否轉其他煮法，例如椒絲腐乳通菜，回應話菜可轉，但醬不可以轉，那麼奇怪啊？
乾煸四季豆，忘記了我以前有否食過此道菜呢？輕煙飄飄送上，香氣撲鼻，炒得乾身不油膩，立即一大注塞入口先。慢慢嘴嚼細味，質感爽脆爆出汁液，再併上肉鬆及香料，滋味無窮，真的好香口喎。
清炒菜芯，多謝 $40 大元，好貴啊 ﹗但鍾意食炒菜無辦法啦。鑊氣滾滾，菜芯鮮甜又多汁，爽嫩翠綠，高質品種，係個芡就杰得滯要扣分囉。
清蒸紅鮋，手掌那樣細細條不用割幾刀先蒸架麻？雖然可以更快熟又更入味，但會使到肉汁大量流失架 ﹗依家鞋上加鞋，不過沾上大量蒸魚蒸油都算可口既，係質地較差?，最後都被我全數消滅。在下一向不太喜歡紅鮋的，因為魚味淡，肉厚結實鞋鞋地。近來經常都食倉魚，朋友仔又唔食梅子烏頭，最後剩返紅鮋囉。
清蒸桂花魚，老闆突然那麼慷慨呀，勁大條喎 ﹗還跟我隻手一樣大添。發現無論煮什麼魚都好，師傅都會界幾刀，因為更容易熟，更快入味掛。以養魚質素來說簡直超水準近乎完美的烹調啊 ﹗蒸的時間拿捏準確無誤，一絲血殘留在魚脊骨之上為最精堪技術，魚骨半透泛著淺粉好色，利害 ﹗我唔客氣喇，古語有云：客氣生疏， 食少好多麻 ﹗
搶住大大舊背脊肉，滾上魚汁豉油汁直達舌尖。咋一聲 ﹗枯乾的味蕾吸收所有精華，滑彈的肉質魚味濃濃、清香撲鼻，肉汁射滿四周，餘韻無比甜美 ﹗一輪激戰後，桂魚已被剝得光禿禿，半粒肉絲也沒有 ﹗我當然乘勝狙擊，啜盡每吋肌膚 ﹗頭頭尾尾、魚鰭魚尾、魚骨臉珠都膠膠滑滑，無一辛免，蒸發得乾乾淨淨 ﹗
響螺燉雞湯
15 瀏覽
0 讚好
0 留言
松茸燉湯
16 瀏覽
0 讚好
0 留言
貴妃雞半隻
18 瀏覽
0 讚好
0 留言
馳名粉絲蝦煲
21 瀏覽
0 讚好
0 留言
魚香茄子煲
26 瀏覽
0 讚好
0 留言
茄子安格斯牛仔骨煲
21 瀏覽
0 讚好
0 留言
明火枝竹羊腩煲
10 瀏覽
0 讚好
0 留言
明火枝竹羊腩煲
26 瀏覽
0 讚好
0 留言
魚湯娃娃菜浸魚腐
7 瀏覽
0 讚好
0 留言
蝦米醬蒸魷魚球
7 瀏覽
0 讚好
0 留言
魚湯雙魚煲
8 瀏覽
0 讚好
0 留言
山渣咕嚕肉
12 瀏覽
0 讚好
0 留言
竹笙腐竹什菜齋煲
26 瀏覽
0 讚好
0 留言
咸魚雞粒豆腐煲
$40
9 瀏覽
0 讚好
0 留言
砂鍋魚頭煲
22 瀏覽
0 讚好
0 留言
馬拉盞肉鬆炒白菜仔
18 瀏覽
0 讚好
0 留言
乾煸四季豆
20 瀏覽
1 讚好
0 留言
清炒菜芯
$40
10 瀏覽
0 讚好
0 留言
清蒸紅鮋
12 瀏覽
0 讚好
0 留言
清蒸桂花魚
28 瀏覽
0 讚好
0 留言
張貼
