AVA Restaurant Slash Bar (已結業)

呢間餐廳嘅食物質素差到令我忍唔住出post提醒大家要小心...見呢間餐廳好多人打卡於所以一直都想試下，最近見到佢做tea set優惠就買左coupon book枱去食。我地兩個人book左個星期日去食，上到去全間餐廳只係得我哋一枱客都有d驚訝。期待已久嘅tea set終於上枱，但我同朋友一見到都呆左，佢同coupon張相好大出入，擺設同款食都完全唔同，佢地俾我地嘅食材都好普通，感覺好hea，連擺盤都同coupon完全唔同，真係極度失望。望住呢個tea我地連影相打卡嘅意欲都冇，不過我地都忍住食完成個set，食物稱唔上好食，非常普通，完全唔值$350....之後我上Openrice睇番其他人嘅食評，又有人個set同coupon張相差唔多，咁點解我地嗰個就特別低質呢？我事後有send過email俾餐廳反映但至今冇回應...反正我就唔會再食第二次。