影片
更多
2024-10-19
249 瀏覽
去完旅行一排，開始掛住日本啲居酒屋。講起食串燒飲啤酒嘅地方，同朋友不約而同諗起燒烤堂。 佢除咗有日式串燒，仲有唔同風格/口味嘅菜式/串燒，有港、泰、韓風、川味等。 上次向旺角分店吃過唔錯, 所以今次好放心咁叫咗好多嘢食🤣 (好彩清得哂) ，不能盡錄，所以大概總結下：🐔鹽燒原塊雞皮 - 燒得乾身，好似薯片咁脆， 拍得住日本食到嘅!滑捋捋韓式牛骨髓食落真係幾滑，再配合埋泡菜，辣辣地幾過癮🐮鹽燒A4宮崎和牛 & 鹽燒和牛牛小排兩款和牛肉質都嫩，食落油脂感重，推介! 👅厚切鹽燒牛舌拖羅牛舌厚切得嚟爽口易咬，肉質夠嫩，私心推。 🥓鹽燒豚肉無花果卷 & 牛油果豚肉卷豚肉薄身易咬, 無花果清甜，另一款牛油果嘅熟度啱啱好，入口即溶, 仲加上沙律醬, 但食落又唔覺油膩。🥚汁燒免治雞肉軟骨棒 (付月見) - 雞肉棒幾易入口，軟骨切得夠細，增添口感得嚟又唔會over咗，算係畫龍點晴，撈埋月見汁食一流。🦑雞皮墨魚滑 (後面嗰串）睇落冇咩特別，實際外脆內嫩， 雞皮包住墨魚滑都仲咁脆! 🐤汁燒鮮雞肝 & 🌶麻辣鮮雞肝雞肝口感粉嫩，熟度啱啱好，燒汁同麻辣兩款都OK， 麻辣感覺過癮唔會好辣 (小辣) 。🐟鹽燒
去完旅行一排，開始掛住日本啲居酒屋。講起食串燒飲啤酒嘅地方，同朋友不約而同諗起燒烤堂。
佢除咗有日式串燒，仲有唔同風格/口味嘅菜式/串燒，有港、泰、韓風、川味等。 上次向旺角分店吃過唔錯, 所以今次好放心咁叫咗好多嘢食🤣 (好彩清得哂) ，不能盡錄，所以大概總結下：
🐔鹽燒原塊雞皮 - 燒得乾身，好似薯片咁脆， 拍得住日本食到嘅!
滑捋捋韓式牛骨髓
食落真係幾滑，再配合埋泡菜，辣辣地幾過癮
🐮鹽燒A4宮崎和牛 & 鹽燒和牛牛小排
兩款和牛肉質都嫩，食落油脂感重，推介!
👅厚切鹽燒牛舌拖羅
牛舌厚切得嚟爽口易咬，肉質夠嫩，私心推。
🥓鹽燒豚肉無花果卷 & 牛油果豚肉卷
豚肉薄身易咬, 無花果清甜，另一款牛油果嘅熟度啱啱好，入口即溶, 仲加上沙律醬, 但食落又唔覺油膩。
🥚汁燒免治雞肉軟骨棒 (付月見) - 雞肉棒幾易入口，軟骨切得夠細，增添口感得嚟又唔會over咗，算係畫龍點晴，撈埋月見汁食一流。
🦑雞皮墨魚滑 (後面嗰串）
睇落冇咩特別，實際外脆內嫩， 雞皮包住墨魚滑都仲咁脆!
🐤汁燒鮮雞肝 & 🌶麻辣鮮雞肝
雞肝口感粉嫩，熟度啱啱好，燒汁同麻辣兩款都OK， 麻辣感覺過癮唔會好辣 (小辣) 。
🐟鹽燒白鱔 & 日式燒白鱔
白鱔燒得夠乾身，魚肉爽口，日式ok，但個人比較鐘意鹽味，用嚟送啤酒一流。
🍏焦糖青蘋果鵝肝多士🥖
上次食過唔錯，朋友指名要Encore。 鵝肝大大件好足料，加埋青蘋果感覺fresh啲又解膩。
🍡柑桔咸蛋黃卷
質素少少似糍粑，有咸蛋黃香再加柑桔甜味，呢個咸甜組合係幾特別嘅
🍍蜜糖燒菠蘿 & 黑糖燒菠蘿 (冷)
必點！冷熱係兩種唔同感覺。❄️凍嘅有脆脆黑糖覆蓋哂菠蘿表面。🔥熱嘅外表燒得夠焦，鎖住咗水份，咬落好juicy，要小心啲果汁周圍都係。
張貼
