福緣日本料理 (已結業)

同肥髀溫書溫到傻！兩個人休息出去食飯！肥髀最喜歡食日本菜，唔想再食連鎖店，所以搵間口碑唔錯嘅小店試下！去到唔使等位，坐門口6人枱嘅一邊，場內格局似西餐廳！除了一個日本吧枱！牆上貼滿餐牌！店員放低兩杯茶！揀咗個二人餐，本來想食$248嗰個，因為無蟹籽沙律！所以最後揀$288嗰個！食物好快到！二人套餐（$288）三文魚手卷：足料，三文魚新鮮厚身！好味！四式刺身：擺盤幾靚！四款刺身！赤貝爽口，三文魚厚切新鮮，帶子比較細塊，淋身！蝦幾大隻，唔腥！不過無跟子薑！麵豉湯：海帶加油豆腐絲，足料但比較鹹！（3選1）雜錦天婦羅：天婦羅炸漿薄，兩隻蝦唔乾，蔬菜四件：南瓜、芋頭、南瓜夠甜，茄子淋身！醬汁已撈好蘿蔔蓉，唔太鹹！可以緩和炸物油膩感！（3選1）蟹籽沙律：好大碟，一座小山，青瓜絲爽口，沙律醬稀身！唔太酸，清爽好味！蟹籽新鮮卜卜脆！（14選1）咖哩牛舌飯：咖哩汁好濃，幾香，味道唔辣，蘿蔔薯仔都入味！牛舌6片只係放在咖哩汁面，所以無乜咖哩味，只係醮醬食！牛舌煙韌，雖然唔係好油香！肉質唔韌！飯鬆軟！撈咖哩汁好味！汽水：肥髀唔飲麵豉湯！飲汽水！食完埋單走（因為已經開始爆場）只收現金，連加一$317，食完返到