影片
更多
2024-10-22
0 瀏覽
去海洋公園之前嚟咗呢間扒房食午餐，初頭以為係a la carte，原來做緊半自助，前菜嘅沙律吧係自助餐，加一個餐湯，一個主菜，一個甜品。前菜自助吧嘅選擇唔係十分多，好多沙律菜同埋沙律嘅配料，非常欣賞佢哋嘅陳醋以及橄欖油選擇，令人選擇困難 。喜歡Duck confit potato salad , 拆鴨肉伴沙律，非常好嘅配搭。其他中規中矩，沒有什麼驚喜。麵包無限添食，啱晒我呢啲咁鍾意碳水化合物嘅人。是日餐湯係粟米湯，普普通通 。主菜我同男朋友分別叫咗牛扒同埋羊架 。以lunch嚟講，份量非常大，仲有配咗薯仔同西蘭花 。牛juicy ，叫咗medium做得啱啱好。羊架就一般般，咁啱我嗰一兩件比較多肥膏，叫咗medium，但有少少偏熟 。不過欣賞佢哋嘅服務員，細心留意住我哋食嘢嘅進度，準確喺good Timing出到個主菜。甜品係一件好細嘅NY芝士蛋糕，感覺有少少寒酸，只係象徵式比少少甜品完成個午餐。亦都有可能係比太大件客人都食唔晒，始終前菜都係自助餐。加咗百幾蚊無限添飲紅白餐酒果汁汽水，最後發現其實自己都係飲一兩杯，下次再有機會都係唔叫free flow 了！整體尚算滿意，不過最後埋單差
前菜自助吧嘅選擇唔係十分多，好多沙律菜同埋沙律嘅配料，非常欣賞佢哋嘅陳醋以及橄欖油選擇，令人選擇困難 。喜歡Duck confit potato salad , 拆鴨肉伴沙律，非常好嘅配搭。其他中規中矩，沒有什麼驚喜。
麵包無限添食，啱晒我呢啲咁鍾意碳水化合物嘅人。是日餐湯係粟米湯，普普通通 。
主菜我同男朋友分別叫咗牛扒同埋羊架 。以lunch嚟講，份量非常大，仲有配咗薯仔同西蘭花 。牛juicy ，叫咗medium做得啱啱好。羊架就一般般，咁啱我嗰一兩件比較多肥膏，叫咗medium，但有少少偏熟 。
不過欣賞佢哋嘅服務員，細心留意住我哋食嘢嘅進度，準確喺good Timing出到個主菜。
甜品係一件好細嘅NY芝士蛋糕，感覺有少少寒酸，只係象徵式比少少甜品完成個午餐。亦都有可能係比太大件客人都食唔晒，始終前菜都係自助餐。
加咗百幾蚊無限添飲紅白餐酒果汁汽水，最後發現其實自己都係飲一兩杯，下次再有機會都係唔叫free flow 了！
整體尚算滿意，不過最後埋單差唔多七百幾蚊一個人就覺得性價比唔算高 。
張貼
