家家戶戶

營業中

休息中

講起韓國菜自然會諗起韓燒、人蔘雞，但近排沉迷《黑白料理》，被幾個媽媽級嘅廚師深深吸引住，原來韓國嘅家常菜都幾吸引喎！喺香港想食地道嘅韓國家庭料理，自自然然會諗起香港小韓國：金巴利街。其中推介家家户户，餐廳有多款套餐配搭組合，置身於傳統韓國家庭裝潢，享受正宗韓國美食。辣海鮮湯飯辣海鮮湯可以話係韓國家庭料理嘅經典菜式之一。海鮮有青口、蝦、魷魚等，令微辣嘅湯底內，加上海鮮嘅鮮甜味，令味道充滿層次。至於定食內仲有4款自家製泡菜，加上大大碗飯，非常飽肚。餃子年糕公仔麵韓國嘅公仔麵因為麵質更爽口紮實同有咀嚼感，深得成為唔少人喜愛。尖沙咀家家户户嘅餃子年糕公仔麵，怕辣嘅人都啱食，配料仲有自家餃子同年糕呢！至於作為定食仲有4款泡菜同飯卷，非常抵食！