和味館 (已結業)

聽朋友講，長沙灣開咗間新餐館。咁啱今日媽咪想休息下做「無飯主婦」，於是就一家人去試下呢間新嘅中菜館，最啱一家大細嚟食！諗嚟諗去，我地叫咗個套餐，有三個小菜。分別叫咗個頭抽雞、涼瓜排骨同埋一個上湯油菜，價錢都只係大約300蚊！個頭抽雞好出色，同食開嘅黃燜雞有啲似，甜甜地好特別！但呢個雞好滑，火候控制得啱啱好，完全唔會有over cooked嘅情況。個醬汁好好味，攞嚟送飯真係一流！涼瓜排骨啲排骨好新鮮，最驚係出面食排骨會有雪藏味，但係呢度食到好新鮮嘅肉味，好有驚喜！排骨同涼瓜一直都係絕配，排骨嘅鮮味中和左涼瓜嘅苦味，變成甘味！除咗套餐之外，我哋額我要咗個椒鹽鮮魷。鮮魷炸到脆卜卜，熱辣辣。一咬落去嗰陣爭啲辣親個咀，可想而知有幾新鮮熱辣！炸粉又一啲都唔厚，非常可口！