素食新一代 (已結業)

最近食得肉太多，想食得清清地，同事話原來公司附近有間齋鋪好味得來又唔貴，咁我就即管去試吓啦。店舖好細，坐低左都係唔好郁嚟郁去，如果唔係一定會撞跌野。全間店只可以坐大約10個人，喺午飯時間全場滿座，我都要等左一陣先可以有個位坐下今日我叫咗一個呢啲套餐，每樣餸都會有少少，仲有湯，而且可以選擇食飯或者食粥，唔夠嘅可以無限加，總之食到你飽為止。店舖雖小但五臟俱全餸嘅種類好多而且都好豐富，最重要嘅係有一種家常小菜嘅味道，以食齋來講真係煮得好好味，最重要嘅係佢唔會煮到好油，而且唔多味精，食完吾會好口渴。而且套餐嘅品種日日都會唔同，好有新鮮感真係一餐好健康嘅素食。