富盈廚坊雞煲．海鮮專門店 (已搬遷) 新店位置

今日中午我們去咗旺角奶路臣街嘅「富盈廚坊」飲中午茶！我們叫咗脆皮燒腩仔嘅脆皮唔係好香脆，脂肪比較多，而且肉質亦有啲霉！豉油皇肉絲炒麵炒得好乾身同幾夠鑊氣，但味道就鹹咗啲啲！越式米網鮮蝦腸係用嫩滑嘅腸粉包著酥脆嘅米網同爽甜嘅蝦肉一齊食，令到口感相當豐富！韭黃鮮蝦腸粉嘅蝦肉唔係好新鮮，肉質有啲霉！香滑雷沙包嘅包質都幾軟熟，雷沙嘅味道好香甜！富盈蝦餃皇嘅餃皮好晶瑩煙韌，蝦肉好爽甜彈牙！鮮河蝦菜苗餃嘅餃皮都幾煙韌軟滑，菜苗亦好鮮嫩！潮州蒸粉果嘅好煙煙韌韌，餡料相當惹味！