影片
更多
2018-12-09
144 瀏覽
2018年12月7日。雨。北角。天氣轉涼，仲要落雨，唔係唔打邊爐啊嗎？！呢日就喺北角呢間吉野家打一人前邊爐，入到去人山人海！果然天氣轉涼就係會多人打邊爐點完餐等咗十幾二十分鐘都未有嘢食，埋去睇下係咪漏單啦～點知個餐原來一早出咗，但啲店員係咁忙住出外賣，完全無理過堂食單，真係好過分！海蜆蕃茄鍋，$69廣告推介產品！蕃茄湯底味道唔太濃郁，一開始飲咗一啖，幾甜嘅～但後來想加湯，發現係無蕃茄湯加嘅，只有清湯各樣材料都齊，但同poster就差好遠粟米只有兩行咁大把，海蜆亦唔算多最不滿嘅係啲蜆勁多沙！食到有啲驚芝士竹輪濃湯鍋，$60日式濃湯湯底有啲似壽喜燒嘅湯，甜甜哋，個人覺得呢個湯底好味啲～芝士竹輪有三粒，竹輪本身煙韌彈牙，一咬開就會爆出流心芝士，好味啊～鍋入面嘅津白吸收咗湯嘅甜味，更加清甜～鮮味追加，$16隨鍋會跟烏冬同肥牛，我哋仲加錢嗌咗呢個有2片三文魚、2隻青口、2粒雞肉丸子烏冬正常，無乜特別～份量都幾多，我哋食剩咗一個，最後拎走肥牛量都唔少，每人有5、6塊，都係正正常常咁啦～呢個鮮味追加反而令人失望三文魚睇顏色就覺得唔係好新鮮，瘀瘀哋色烚完食就覺得好腥，唔好味青口就新鮮啲，好味嘅仲有個雞
天氣轉涼，仲要落雨，唔係唔打邊爐啊嗎？！
呢日就喺北角呢間吉野家打一人前邊爐，入到去人山人海！果然天氣轉涼就係會多人打邊爐
點完餐等咗十幾二十分鐘都未有嘢食，埋去睇下係咪漏單啦～點知個餐原來一早出咗，但啲店員係咁忙住出外賣，完全無理過堂食單，真係好過分！
海蜆蕃茄鍋，$69廣告推介產品！
蕃茄湯底味道唔太濃郁，一開始飲咗一啖，幾甜嘅～
但後來想加湯，發現係無蕃茄湯加嘅，只有清湯
各樣材料都齊，但同poster就差好遠
粟米只有兩行咁大把，海蜆亦唔算多
最不滿嘅係啲蜆勁多沙！食到有啲驚
芝士竹輪濃湯鍋，$60日式濃湯湯底有啲似壽喜燒嘅湯，甜甜哋，個人覺得呢個湯底好味啲～
芝士竹輪有三粒，竹輪本身煙韌彈牙，一咬開就會爆出流心芝士，好味啊～
鍋入面嘅津白吸收咗湯嘅甜味，更加清甜～
鮮味追加，$16
隨鍋會跟烏冬同肥牛，我哋仲加錢嗌咗呢個
有2片三文魚、2隻青口、2粒雞肉丸子
烏冬正常，無乜特別～份量都幾多，我哋食剩咗一個，最後拎走
肥牛量都唔少，每人有5、6塊，都係正正常常咁啦～
呢個鮮味追加反而令人失望
三文魚睇顏色就覺得唔係好新鮮，瘀瘀哋色
烚完食就覺得好腥，唔好味
青口就新鮮啲，好味嘅
仲有個雞肉丸子，完全唔掂，肉質霉霉哋咁，又無鮮味，失望！
張貼
