3rd Space (已搬遷) 新店位置

睇過飲食網介紹，想試一試依間招牌三層厚pancake。剛巧計劃當天去品酒嘉年華，一於順道到依間隔涉既小店，由上環地鐵站行上去都要幾個字時間架。依間小店地方不大，只係一個轉角位既鋪，再加一條＂後行＂，等咗兩張枱就有位，我張枱位於行仔，雖然條行裝修得幾有品味（睇之前既post話修行拍過電影添），但我一往上看有d驚，我正坐在住宅大廈下面，總是幻想上面會有野掉下。😖我們叫了三文魚牛油果他他多士，招牌Earl Grey pancake 及奇異果火龍果smoothie。杯smoothie好味同感覺都落咗幾多生果。三文魚牛油果他他個醬做得唔錯，如果每件再俾多d醬就更好了，但片多士不是特別鬆化。此處既主角三層pancake，可以任選三款醬／水果，我們選擇了芒果醬，香蕉同哈蜜瓜 (哈蜜瓜比較特別，別家的pancake 比較少有用來配pancake)。哈蜜瓜好甜美，個pancake亦有earl grey 茶香味，如果味道濃d更好。