雲壽司 (聯成商業中心)

營業中

休息中

香港人係咪食開_? 咁少負評，俾正評個d係咪全部打手？！之前見有人係fb post呢間，咁就特登出去銅鑼灣食啦。門面都ok，少過10個位左右，得條好窄既路（一個人身位）行，典型壽司細舖格局。一借佢洗手間用就黎料啦，個塊暖簾後面好污糟，見兩個師傅／員工坐係d發毛既椅度訓覺同hea－無意批評員工，佢地休息無問題－但個衛生實在太惡劣！成個垃圾崗咁！廁所地下成地水唔洗講，後巷衛生差左，可想而知平日夜晚有幾多米奇甲由經過，當你諗到d食材係經呢個咁污糟既後門入間舖時。。。服務一般般，叫左個自選10件壽司。但，每件壽司都細到乜咁！我個口唔大，但一啖就吞晒。每件都bitesize咁，爭鮮d壽司都大過佢！我俾＄160連加一，埋單total 18x，但係就食d咁細件既壽司？！另外，壽司質素都好普通，唔算難食，但真係就咁擺魚生上飯上面，完全無調味。食落口真係同爭鮮無乜分別（仲要細份d）唯獨佢綠茶粉ok，好似迴轉壽司咁自己沖。俾埋錢真係一肚氣，咁細件，又食唔飽，明明無乜服務都收個加一，埋單接近200蚊一位，200蚊既我有其他更好選擇。