影片
更多
2019-11-02
187 瀏覽
🐯一行三人Happy hour完，諗住近近哋係洒吧樓下食宵夜，就係門口見到宵夜特價套餐好似好抵食，於是就決定去食！一入到餐廳，見到一位侍應同佢講我哋三位，佢完全唔釆擰轉頭就走。。跟住終於有人上前招呼我啦坐低！我哋一坐低就叫個湯底先。。花膠雞湯。。聽落都堅呢！嘩，真係有半隻喎。。啲花膠就只係迷你膠桶仔，不過打邊爐做得湯底都唔會要求俾啲咩好嘢咖啦。。但係啲花膠真係好腥食唔落，而啲雞都算正常嘅冰鮮貨，可食到，仲有配埋師傅濃湯底。。精彩嘅畫面終於出現啦，侍應送上一碟火鍋料上枱，驟眼睇以為佢送錯，原來係我哋點嘅韮菜餃。我從來未見過賣相係咁嘅(圖中最右手邊嗰碟), 點都要試吓，點知連味道質感都好獨特，真係好想知係邊度入到咁特別嘅貨！至於手工嚮鈴，唔脆又有啲油益味。。其他嗰兩款料都尚算過得去！至於個牛皇拼盤仲精彩，睇落好似未執齊碼就擺咗上枱咁款，有四款嘢：卷狀雪藏肥牛3件，牛肉粒6粒左右，黑柏葉3塊，仲有一碟大約6片仔似係手切牛。。係咁多！當時我見到呢碟嘢第一個反應係想即刻埋單走人。。所以我連相都無心情影！最終我都有食吓呢個招牌阿肥牛皇拼盤。。結果都只係好普通！總結，環境裝修好用心仲配埋80-90年
一入到餐廳，見到一位侍應同佢講我哋三位，佢完全唔釆擰轉頭就走。。跟住終於有人上前招呼我啦坐低！
我哋一坐低就叫個湯底先。。花膠雞湯。。聽落都堅呢！嘩，真係有半隻喎。。啲花膠就只係迷你膠桶仔，不過打邊爐做得湯底都唔會要求俾啲咩好嘢咖啦。。但係啲花膠真係好腥食唔落，而啲雞都算正常嘅冰鮮貨，可食到，仲有配埋師傅濃湯底。。
精彩嘅畫面終於出現啦，侍應送上一碟火鍋料上枱，驟眼睇以為佢送錯，原來係我哋點嘅韮菜餃。我從來未見過賣相係咁嘅(圖中最右手邊嗰碟), 點都要試吓，點知連味道質感都好獨特，真係好想知係邊度入到咁特別嘅貨！至於手工嚮鈴，唔脆又有啲油益味。。其他嗰兩款料都尚算過得去！
至於個牛皇拼盤仲精彩，睇落好似未執齊碼就擺咗上枱咁款，有四款嘢：卷狀雪藏肥牛3件，牛肉粒6粒左右，黑柏葉3塊，仲有一碟大約6片仔似係手切牛。。係咁多！當時我見到呢碟嘢第一個反應係想即刻埋單走人。。所以我連相都無心情影！最終我都有食吓呢個招牌阿肥牛皇拼盤。。結果都只係好普通！
總結，環境裝修好用心仲配埋80-90年代嘅歌！可能係我叫套餐嘅原因，食物質素只係好一般。。加上套餐嘅份量應該只係2人份！只怪我自作聰明3個人去食。。(可能老闆好人，經已每碟加多咗件俾我哋！) 以後一定要睇清楚宣傳單張寫嘅”圖片只供參考”！！
吖仲有，差啲漏咗讚吓全餐最正嘅小食炒花生同埋沙薑雞腳，呢兩碟都算係最好食，特別係碟花生炒得夠哂香脆。。完。。
張貼
