影片
更多
2024-05-02
43 瀏覽
今日去咗住將軍澳嘅朋友屋企，順便喺MONTEREY Place樓下揀咗間叫「Chilli Lime」嘅泰國餐廳食。餐廳嘅裝修充滿泰國風情，燈光昏暗有氛圍感。我哋嗌咗沙嗲串燒、炭燒豬頸肉、牛油雞咖喱配烤餅、泰式青檸辣椒汁蒸魚同西瓜沙冰。串燒有雞肉、牛肉、豬肉各兩串，每一串都燒得好香而又唔會有太多烤焦，肉嘅呎吋都幾大，唔會偷工減料，沙嗲醬好重花生味；豬頸肉嘅肉質肥瘦適中，脂肪嘅比例唔會太多，而且炭燒完出嚟好香，配埋特製醬汁幾夾；牛油雞咖喱嘅咖喱唔辣，有椰奶嘅味道，口感順滑，雞件肉質嫩滑，我哋另外加配咗烤餅，可以點埋啲咖喱汁一齊食，烤餅係新鮮焗起，拎上手仲有微熱而且口感軟熟；最鍾意係條泰式蒸魚，魚肉蒸得非常嫩滑，稍為太大力夾起都會散開，配上青檸同泰式辣椒製成嘅醬汁，味道微辣，既開胃又惹味，而且魚骨唔多，幾推介大家試一試呢款泰式青檸辣椒汁蒸魚；西瓜沙冰嘅味道不過不失，唔會太死甜，食完幾碟濃味菜式後嗌番杯沙冰飲可以解渴！📍將軍澳澳南海岸唐俊街23號MONTEREY Place地下G07號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊
我哋嗌咗沙嗲串燒、炭燒豬頸肉、牛油雞咖喱配烤餅、泰式青檸辣椒汁蒸魚同西瓜沙冰。串燒有雞肉、牛肉、豬肉各兩串，每一串都燒得好香而又唔會有太多烤焦，肉嘅呎吋都幾大，唔會偷工減料，沙嗲醬好重花生味；豬頸肉嘅肉質肥瘦適中，脂肪嘅比例唔會太多，而且炭燒完出嚟好香，配埋特製醬汁幾夾；牛油雞咖喱嘅咖喱唔辣，有椰奶嘅味道，口感順滑，雞件肉質嫩滑，我哋另外加配咗烤餅，可以點埋啲咖喱汁一齊食，烤餅係新鮮焗起，拎上手仲有微熱而且口感軟熟；最鍾意係條泰式蒸魚，魚肉蒸得非常嫩滑，稍為太大力夾起都會散開，配上青檸同泰式辣椒製成嘅醬汁，味道微辣，既開胃又惹味，而且魚骨唔多，幾推介大家試一試呢款泰式青檸辣椒汁蒸魚；西瓜沙冰嘅味道不過不失，唔會太死甜，食完幾碟濃味菜式後嗌番杯沙冰飲可以解渴！
📍將軍澳澳南海岸唐俊街23號MONTEREY Place地下G07號舖
位置就腳：🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
沙嗲串燒
$128
0 瀏覽
0 讚好
0 留言
炭燒豬頸肉
$98
1 瀏覽
0 讚好
0 留言
牛油雞咖喱
$138
3 瀏覽
0 讚好
0 留言
烤餅
$38
2 瀏覽
0 讚好
0 留言
泰式青檸辣椒汁蒸魚
$228
1 瀏覽
0 讚好
0 留言
西瓜沙冰
$58
1 瀏覽
0 讚好
0 留言
張貼
