Chilli Lime (MONTEREY Place)

營業中

休息中

今日嚟到將軍澳澳南海岸嗰邊食飯，我哋今次揀咗呢間係主打食東南亞地區菜嘅餐廳，餐廳環境非常以木為主更以不同畫作做裝飾，另外座位仲有分室內同露天座位添。Pomelo salad首先講吓呢個柚子沙律大大嚿嘅柚子沙律配上大蝦，加啲醬汁一齊食酸酸美味非常之開胃，作為前菜十分適合。Prawn cake 蝦餅一共有四而且件件都非常大件。上枱仲熱辣辣，入口蝦肉非常厚實咬落非常香脆可口，點埋酸甜醬更添滋味。Grilled pork neck豬頸肉嘅份量非常之多，燒得非常之香口，而且咬落一啲都唔會韌。Morning glory chillies飛天通菜入口非常爽脆，鹹鹹辣辣非常惹味，而且份量都唔少添。我哋去嘅時間甘岩有happy hour所以叫一杯正價飲品再加$18就可以有第二杯啦非常優惠。呢間餐廳真係非常值得推介，而且價錢唔貴食物方面都有質素。