Chef's Stage Kitchen

營業中

休息中

前排去完將軍澳豪宅區搵食有驚喜發現之後，呢一日又喺呢度發掘左另一間好值得推介嘅西餐廳—「Chef’s Stage Kitchen」。呢間餐廳位於將軍澳豪宅「天晉」嘅住宅商場，距離地鐵站好近。餐廳頗大間，裝修講究，格調浪漫，所以係非常chill同舒服！餐廳主打西餐，餐牌選擇頗多，價錢雖然唔平，但以地段和環境黎講算係好合理。以下係當晚我order左嘅菜品：鴨胸野菜沙律：啲沙律菜好新鮮，鴨胸肉醃得啱啱好唔會太鹹！白酒煮青口：分量好大，而且賣相一流！啲青口好新鮮，肉質唔會霉，啲湯汁配合埋餐包一齊食令人食指大動！德國鹹豬手：鹹豬手同樣好大份，啲豬皮炸得熱辣辣同鬆脆，最貼心嘅係店員事先幫我地起曬啲肉，所以食起上來非常方便！和牛舌番茄扁意粉：雖然唔算好大份，但熱辣辣好惹味，而且啲牛舌唔會太硬，牛味十足！飲品：我地叫左一杯有酒精嘅Mojito同熱情果+橙嘅沙冰。兩杯飲品都好大杯，賣相吸引，而且價錢合理。