影片
更多
2021-06-02
61 瀏覽
咁耐冇得去旅行，心思思想食韓燒體驗下韓國風味，扮吓飛咗轉首爾🇰🇷 今次嚟咗位於將軍澳 Popcorn嘅Running燒試吓先⸜( ॑꒳ ॑ )⸝ 餐廳喺商場二樓，不過商場指示牌唔顯眼，去餐廳樓層嘅𨋢有啲難搵😅一入到餐廳，強勁嘅Kpop音樂真係有少少去咗韓國嘅感覺啊！本身諗住放題淨係有燒肉，原來仲有炸雞、年糕湯、溫泉蛋紫菜飯~ 整體來講，燒肉上菜速度快唔拖order，餐廳幾熱鬧有氣氛，店員亦冇催我哋限時前走，好啱朋友一邊傾偈一邊燒🔥=========================任食110分鐘 $258/位燒肉類、海鮮、即整炸物就用QR code落單；而中間自助區放咗前菜、甜品、飲品，仲有多款蔬菜值得一讚餐廳提供錫紙兜同埋牛油，可以將易燒燶嘅蔬菜放喺錫紙兜裏面燒，正啊~炸物即叫即整，噴火炸雞真心辣，柚子炸雞味道似茶餐廳嘅青檸雞，不過幾清新🌿豬肉有好多部位揀！豬頸肉、豬大腸、黑豚腩肉、梅肉、豬耳…我最鍾意辣味五花肉，切得夠厚，肥瘦均勻，唔會太肥太膩，肉質爽口，燒到燶邊啱啱好，而且個辣醬超級入味！另外豬耳都幾特別，燒到外層脆卜卜，口感有嚼勁，啱哂鍾意豬軟骨嘅我 =͟͟͞͞♡牛嘅選擇有牛肋骨、西施
餐廳喺商場二樓，不過商場指示牌唔顯眼，去餐廳樓層嘅𨋢有啲難搵😅
一入到餐廳，強勁嘅Kpop音樂真係有少少去咗韓國嘅感覺啊！本身諗住放題淨係有燒肉，原來仲有炸雞、年糕湯、溫泉蛋紫菜飯~ 整體來講，燒肉上菜速度快唔拖order，餐廳幾熱鬧有氣氛，店員亦冇催我哋限時前走，好啱朋友一邊傾偈一邊燒🔥=========================
任食110分鐘 $258/位
燒肉類、海鮮、即整炸物就用QR code落單；而中間自助區放咗前菜、甜品、飲品，仲有多款蔬菜
值得一讚餐廳提供錫紙兜同埋牛油，可以將易燒燶嘅蔬菜放喺錫紙兜裏面燒，正啊~
炸物即叫即整，噴火炸雞真心辣，柚子炸雞味道似茶餐廳嘅青檸雞，不過幾清新🌿
豬肉有好多部位揀！豬頸肉、豬大腸、黑豚腩肉、梅肉、豬耳…我最鍾意辣味五花肉，切得夠厚，肥瘦均勻，唔會太肥太膩，肉質爽口，燒到燶邊啱啱好，而且個辣醬超級入味！另外豬耳都幾特別，燒到外層脆卜卜，口感有嚼勁，啱哂鍾意豬軟骨嘅我 =͟͟͞͞♡
牛嘅選擇有牛肋骨、西施牛肉片、雪花牛仔肉、牛五花肉、薄切西冷牛扒、牛柳、牛舌等等…整體質素唔錯，牛柳片雖然望落比較少油花，有咬牙但唔硬唔鞋，肉味好濃，enchore咗幾次🤟
海鮮就有魷魚、鯖魚、龍脷、蠔、藍青口。咖喱魷魚鬚嘅醬汁好惹味，燒到微微焦香，好爽口彈牙👌🏼
蒜蓉芝士生蠔有大量芝士鋪喺面，不過蠔嘅味道俾芝士稍為搶咗
甜品有4、5款雪條雪糕，另一邊有迷你忌廉撻、Oreo 杯、吉士泡芙、中式糖水。
賣相可以，不過食燒肉食得太飽，冇試到甜品。
=========================
Running 燒 (將軍澳)
📍將軍澳唐賢街9號Popcorn商場2樓PopFood 4號舖
張貼
