影片
更多
2025-02-02
30 瀏覽
我哋一行兩個人，約午餐12點半到達，室內裝修幾簡潔，所以坐得幾舒服，環境算唔錯。炭燒乳豬 -- 好食嘅乳豬，必要係連皮帶肉嘅，皮要酥化香脆，唔帶苦味；肉要鬆軟鮮美，略連肥脂但唔會太膩嘅為最佳。不過要整味美嘅乳豬，事前嘅醃肉風乾功夫必須做足，將乳豬上叉再喺炭火上慢慢碌燒，少半點心機都唔得。至於呢度嘅乳豬件，同出面食肆食到嘅，的確有啲唔同，以潮流健康為前提，師傅喺上枱前已經片去黐住乳豬皮嘅肥膏，所以皮還皮，肉還肉，骨頭自然都去掉，乳豬皮咬落香脆，冇半點脂肪，唔覺肥膩，肉質都算嫩滑，只係稍嫌冇皮連肉食嗰種傳統風味。元朗楊氏烏頭 -- 所謂元朗楊氏烏頭其實就係豉汁+檸檬煮嘅烏頭，表皮入口外脆內軟，脆嫩鮮甜，加上魚肉新鮮彈牙，白質地脆嫩鮮甜，甘香惹味，唔覺油膩，用嚟送酒配飯，清清地都幾唔錯。芝士龍蝦伊麵 - -個芝士龍蝦伊麵個汁好濃，亦都好重芝士味，啲龍蝦都好厚肉，起碼唔使擔心每人分唔到一舊龍蝦，因為嗰伊麵索晒啲芝士，我都食咗兩碗。呢度整體服務都唔錯，食物味道都好好，而且價錢合理
炭燒乳豬 -- 好食嘅乳豬，必要係連皮帶肉嘅，皮要酥化香脆，唔帶苦味；肉要鬆軟鮮美，略連肥
脂但唔會太膩嘅為最佳。不過要整味美嘅乳豬，事前嘅醃肉風乾功夫必須做足，將乳豬上叉再喺
炭火上慢慢碌燒，少半點心機都唔得。至於呢度嘅乳豬件，同出面食肆食到嘅，的確有啲唔同，
以潮流健康為前提，師傅喺上枱前已經片去黐住乳豬皮嘅肥膏，所以皮還皮，肉還肉，骨頭自然
都去掉，乳豬皮咬落香脆，冇半點脂肪，唔覺肥膩，肉質都算嫩滑，只係稍嫌冇皮連肉食嗰種傳
統風味。
元朗楊氏烏頭 -- 所謂元朗楊氏烏頭其實就係豉汁+檸檬煮嘅烏頭，表皮入口外脆內軟，脆嫩鮮甜
，加上魚肉新鮮彈牙，白質地脆嫩鮮甜，甘香惹味，唔覺油膩，用嚟送酒配飯，清清地都幾唔錯
。
芝士龍蝦伊麵 - -個芝士龍蝦伊麵個汁好濃，亦都好重芝士味，啲龍蝦都好厚肉，起碼唔使擔心每
人分唔到一舊龍蝦，因為嗰伊麵索晒啲芝士，我都食咗兩碗。
呢度整體服務都唔錯，食物味道都好好，而且價錢合理
張貼
