壽司郎 (將軍澳廣場)

營業中

休息中

上次食Hama食到一肚氣，要食”壽司郎”報仇。雖然而家分店多咗，少咗人食，要喺假日食壽司郎，仲係需要擺啲心機。以將軍澳區為例，三間分店都係十一點前入座唔使排隊，一遲過十一點要等嘅枱號就會開始以幾何級數上升。今日試咗中拖羅，大帆立貝，和牛等等。其實質素上壽司郎的確比同價壽司店穩定，起碼比較少出現岩巉肉酸嘅外形，亦都比較少有唔新鮮有酸餿味嘅情況。不過，唔係每次佢嘅推廣物都會好食，例如和牛食落怪怪的，XO醬亦都冇提升到壽司嘅味道。至於新出嘅大赤背係真係ok嘅，遠比放題嘅好食。其實個人係希望有啲競爭對手可以抗衡壽司郎，唯有係咁樣，佢先可以keep住個質素。