牛たん大輔 (已結業)

今日女朋友晚上來尖沙咀接我收工，之前係Facebook 見有介紹呢間餐廳，就同女友來試看試試下新開的牛脷專門店，之前都係一直在燒肉店食過，未試過去餐廳專食牛脷 晚上九點到達，平日晚上赫徳道無週末甘多人，店內坐位有限，大約有6張四人枱和一排吧枱，剛好有一張四人枱俾我地。我地點左：1）熟成招牌燒牛脷定食 $138（+10%)有大約10塊牛脷、牛尾湯、醬汁煮牛脷。店員上菜時會好細心同我們說明牛脷可沾芥末醬油、岩鹽或檸檬汁。2）特製紅汁炆牛脷定食 $128 (+10%)附有白菜漬、牛尾湯、麥米飯同山芋蓉。招牌燒牛脷合到好處，比超自己燒到老曬好得多，女友試曬檸檬汁，岩鹽或相加同芥末醬油，試完大家都覺得岩鹽加檸檬汁最好食，好清新。牛尾湯呈奶白色，內有幾磈牛肉，普普通通。醬汁牛脷山芋飯都表現普通，因為我想食山芋飯先叫，牛脷煮到好淋，好似台式牛肉面入面d牛肉，唔係唔好味，不過食完燒牛脷就覺得燒牛脷好食d，如果岀燒牛脷配山芋飯就好了。食完都無想住趕我地走，仲不時來幫手倒水，傾左一陣就走了。晚上十點幾走都仲有九成枱滿，又唔洗搭枱，感覺好好，會再來食。