Brilliant Cooking (已結業)

今日試左呢間餐廳,叫左個巨大厚切豬肉眼,上菜真係有d驚喜,餐牌寫巨大厚切,又真係好大份。有塊燒菠蘿,有肉眼,平時沙律菜出面都係意思意思伴下碟有d顏色算,佢真係好足料,淨食沙律菜都夠啊!講返重點,我平時唔多食豬,因為食親d豬都鞋既,今次係睇在塊菠蘿份上...但呢個豬肉眼食落去好嫩好Juicy,入口無豬燥味,仲有好香既煙燻味,切開都唔係好見到肉紋。我以為佢配個醬汁都係出面d大路野,唔係燒烤汁就係黑椒之類勁濃味,又唔係wo佢個汁食唔出係咩,不過有浸肉既油香味,食落口唔會好咸或者好"杰",令到個扒濕濕地又唔會遮左煙燻味又加重左肉香,不過唔點個汁都好好食..塊燒菠蘿果然無令我失望,烤到外面有d焦香入面爆晒汁,食幾啖扒再食舊菠蘿解膩，正!下次會再黎試下其他,希望繼續有驚喜!