影片
更多
2021-06-08
129 瀏覽
呢日約咗朋友係大角咀食晚餐，揀咗呢間充滿特色嘅餐廳試吓，由奧運行過嚟呢間餐廳都幾近，一入門口就見到裝修充滿香港嘅懷舊風情，餐廳入面嘅壁畫描繪咗昔日嘅香港，例如霓虹燈招牌，啱晒鍾意打卡嘅朋友~📸座位同座位之間都好闊落，由於餐廳係落地玻璃，感覺好開揚，可以望到出面嘅街景。坐低之後，我哋研究咗一輪Menu，菜式嘅選擇好豐富，適合唔同嘅人嘅口味，任君選擇，由於太多選擇，我哋都糾結咗一陣先揀好，本身想試一試咖喱農夫包，可惜太受歡迎已經賣晒，於是我哋就叫咗一個2人晚餐 ，套餐係168蚊，包括有三個餸，兩碗飯，飲品方面可以揀湯或者加錢轉特飲，我哋嗌咗兩杯凍奶茶，但老闆好好人，送咗兩碗湯俾我哋試吓，另外加$30仲可以有甜品，可以揀意大利芝士蛋糕或者雪糕窩夫，不過我哋兩個人覺得份量都夠，所以就冇加，不過有興趣嘅朋友可以試吓😉第一樣餸可以揀紅燒乳鴿、鮑魚撈麵或者椒鹽大蝦，我哋就揀咗椒鹽大蝦🍤 至於另外兩個餸就揀咗金銀蛋浸時蔬同避風塘牛柳。首先第一樣上嘅係例湯，當日嘅例湯係西洋菜湯，湯煲得好夠火喉，飲落去完全冇味精😆而且好足料，就好似阿媽煲嘅湯一樣，完全感覺到家的味道，對比起出面嘅餐廳，好難得可以飲到一碗真
座位同座位之間都好闊落，由於餐廳係落地玻璃，感覺好開揚，可以望到出面嘅街景。
坐低之後，我哋研究咗一輪Menu，菜式嘅選擇好豐富，適合唔同嘅人嘅口味，任君選擇，由於太多選擇，我哋都糾結咗一陣先揀好，本身想試一試咖喱農夫包，可惜太受歡迎已經賣晒，於是我哋就叫咗一個2人晚餐 ，套餐係168蚊，包括有三個餸，兩碗飯，飲品方面可以揀湯或者加錢轉特飲，我哋嗌咗兩杯凍奶茶，但老闆好好人，送咗兩碗湯俾我哋試吓，另外加$30仲可以有甜品，可以揀意大利芝士蛋糕或者雪糕窩夫，不過我哋兩個人覺得份量都夠，所以就冇加，不過有興趣嘅朋友可以試吓😉
第一樣餸可以揀紅燒乳鴿、鮑魚撈麵或者椒鹽大蝦，我哋就揀咗椒鹽大蝦🍤 至於另外兩個餸就揀咗金銀蛋浸時蔬同避風塘牛柳。
首先第一樣上嘅係例湯，當日嘅例湯係西洋菜湯，湯煲得好夠火喉，飲落去完全冇味精😆而且好足料，就好似阿媽煲嘅湯一樣，完全感覺到家的味道，對比起出面嘅餐廳，好難得可以飲到一碗真材實料嘅靚湯💛
椒鹽大蝦真係要大大推薦，啱晒鍾意重口味嘅朋友，蝦唔單止新鮮，仲好香脆彈牙，咬落去脆卜卜，完全係平時睇ASMR聽到嘅聲，餸飯真係一流👍🏻👍🏻
椒鹽大蝦
0 瀏覽
0 讚好
0 留言
金銀蛋浸時蔬，時蔬我哋揀咗娃娃菜，娃娃菜好鮮甜，味道唔會太淡，亦都唔會太鹹。
金銀蛋浸時蔬
3 瀏覽
0 讚好
0 留言
避風塘牛柳係店員推薦，炒得好惹味，好有火候，牛柳好煙韌，份量亦都好大碟，又係好啱餸飯😋
避風塘牛柳
2 瀏覽
0 讚好
0 留言
嚟到港式茶餐廳又點可以唔叫返杯奶茶，所以飲品方面，我哋叫咗港式奶茶，少冰少甜，茶同奶嘅比例啱啱好，四個字總結，香濃幼滑！
港式奶茶
2 瀏覽
0 讚好
0 留言
至於白飯好大碗，我哋淨係掛住食餸，都唔記得咗仲有一大碗白飯🤣
餐廳嘅店員都好好傾，而且落單上菜都好快手，服務方面值得一讚👍🏻
雖然食完二人套餐都好飽，但我哋見到有1蚊任食雪糕🍨忍唔住都叫嚟試，我哋試左豆腐同綠茶味，豆腐味雪糕好香濃，綠茶味亦唔會太甜🤤
最後兩個人都食得好飽，都覺得好滿足，總括而言，餐廳性價比幾高，而且坐得幾舒服，味道亦都係有保證，值得大家同朋友過嚟一試！😋
張貼
