影片
更多
2010-11-14
183 瀏覽
12-11-2010前一日食燒鴨飯 (http://www.openrice.com/restaurant/commentdetail.htm?commentid=2129799) 時留意到呢檔素食, 上嚟 Openrice 又見食評不錯 (一個喊而都無!), 到鵝頸街市逐間試的 "expedition" 第二站就嚟試試. 叫了雙併湯麵 ($22), 兩餸就揀了素鵝及芥蘭炒「牛肉」.素鵝: 比其他地方食到的軟熟, 豆味強勁, 幾好食.芥蘭炒「牛肉」: 芥蘭賣相似菜心多 d!? 食落唔夠爽脆, 不過無渣又幾嫩, 都 ok 的;「牛肉」唔知係乜r嘢菇製成, 幾有韌性, 「扮」牛肉都「扮」得幾似 調味就同「四喜烤麩」嗰隻又鹹又甜近乎一樣味, 唔知落咗 d 乜呢?麵底: 無 specify 要乜嘢, 結果來了我唔太食的粗麵, 不過呢度的完全無鹼水味, 仲煮得十分爽滑, 質地好似腐竹, 又幾好食喎. 隻碗望落好深好大, 但其實 d 麵份量剛好, 好在無扣底啫.湯底: 好似帶點菇味, 但飲唔出係乜? 不過 MSG 度唔高就係真的, 都收貨了.見其他人都係叫兩餸 / 三餸飯或
12-11-2010
前一日食燒鴨飯 (http://www.openrice.com/restaurant/commentdetail.htm?commentid=2129799) 時留意到呢檔素食, 上嚟 Openrice 又見食評不錯 (一個喊而都無!), 到鵝頸街市逐間試的 "expedition" 第二站就嚟試試. 叫了雙併湯麵 ($22), 兩餸就揀了素鵝及芥蘭炒「牛肉」.
素鵝: 比其他地方食到的軟熟, 豆味強勁, 幾好食.
芥蘭炒「牛肉」: 芥蘭賣相似菜心多 d!? 食落唔夠爽脆, 不過無渣又幾嫩, 都 ok 的;「牛肉」唔知係乜r嘢菇製成, 幾有韌性, 「扮」牛肉都「扮」得幾似 調味就同「四喜烤麩」嗰隻又鹹又甜近乎一樣味, 唔知落咗 d 乜呢?
麵底: 無 specify 要乜嘢, 結果來了我唔太食的粗麵, 不過呢度的完全無鹼水味, 仲煮得十分爽滑, 質地好似腐竹, 又幾好食喎. 隻碗望落好深好大, 但其實 d 麵份量剛好, 好在無扣底啫.
湯底: 好似帶點菇味, 但飲唔出係乜? 不過 MSG 度唔高就係真的, 都收貨了.
見其他人都係叫兩餸 / 三餸飯或白粥, 而且白飯任裝又有是日例湯送, 20 幾蚊又真係好平, 加上味道又不錯, 難怪受歡迎的.
其實最想試的係蕃茄腐皮... 唔知幾時 lunch 先會遇到? 還是一定要 dinner 時段來?
張貼
