影片
更多
2015-09-20
338 瀏覽
最近朋友介紹一間有靚海景，又有靚海鮮食嘅好地方，但初頭一聽到西環，心諗咁遠都係咪攪我啦，但睇下佢地址，原來都唔係好難去，而家去呢頭都好方便，可以坐地鐵到堅尼地城站，終於我踏出我第一步，搵食搵到西環。我今晚由牛頭角收工，嚟到都係7點鐘左右，話遠唔遠，同朋友由地鐵站行過嚟都係幾分鐘，行近碼頭果條街又係另一番景象，附近有酒吧，有好多外籍人士。而西環碼頭就位於最近海旁嘅爹核士街轉角位，好容易就見到。門口有幾張戶外枱，門外風景真係幾舒服，有點似我上次喺檳城Gurney Drive嘅環境，吹吹海風，遠望青馬大橋，漁光閃閃，談談心也不錯，又適合帶寵物嘅人士，但今晚都仲係有點熱，我地都係坐返入面有冷氣涼下好啲。 門外有幾個魚缸，海鮮種類都算多，全部明碼實價，豐儉由人，但隨左海鮮都仲有好多其他嘢食嘅。襯住天氣涼返啲，好想食返啲辣嘢同重口味啲嘅嘢食，呢個 避風塘炒蟹真係色香味俱全，侍應一放底碟蟹已經聞到超香嘅炸蒜蓉炸辣椒嘅香味，再仔細睇下配料有蒜頭、蔥、豆豉、乾辣椒、紅、黃燈籠椒，可以想像個香味已經好豐富。火候掌握得剛剛好，你睇隻蟹殼就知炸得幾咁乾脆，你睇隻蟹拑啲肉幾咁肥美，我即刻好衝動咁落手拎住嚟食
門口有幾張戶外枱，門外風景真係幾舒服，有點似我上次喺檳城Gurney Drive嘅環境，吹吹海風，遠望青馬大橋，漁光閃閃，談談心也不錯，又適合帶寵物嘅人士，但今晚都仲係有點熱，我地都係坐返入面有冷氣涼下好啲。
門外有幾個魚缸，海鮮種類都算多，全部明碼實價，豐儉由人，但隨左海鮮都仲有好多其他嘢食嘅。
襯住天氣涼返啲，好想食返啲辣嘢同重口味啲嘅嘢食，呢個 避風塘炒蟹真係色香味俱全，侍應一放底碟蟹已經聞到超香嘅炸蒜蓉炸辣椒嘅香味，再仔細睇下配料有蒜頭、蔥、豆豉、乾辣椒、紅、黃燈籠椒，可以想像個香味已經好豐富。火候掌握得剛剛好，你睇隻蟹殼就知炸得幾咁乾脆，你睇隻蟹拑啲肉幾咁肥美，我即刻好衝動咁落手拎住嚟食，入口蟹肉鮮甜味美，香口而帶點辣，真係好惹味，蒜酥又香口好好食呀
避風塘炒蟹
47 瀏覽
0 讚好
0 留言
避風塘炒蟹
28 瀏覽
0 讚好
0 留言
話梅乳鴿皇亦都係我幾欣賞嘅菜式，通常出面食唔係炸就係鹵水，但呢度嘅用話梅嚟整，原來話梅同乳鴿一齊出嚟嘅味係幾夾，做法似係將鹵過嘅乳鴿再炸，再用話梅汁煮一煮，味道酸酸甜甜，乳鴿皇肉質比較扎實，好吸引
辣酒煮花螺，辣味恰到好處，隱約酒香而不太辣，用了煲仔上，keep住熱辣辣，只係嫌花螺太細隻，但味道絕不輸蝕，如果大隻啲口感會更好。
白汁香草焗聖子，一個西式做法，我都係第一次試，賣相又係好吸引，香濃creamy嘅白汁，香草味帶點清新，creamy配彈牙嘅聖子，口感獨特，味道也不錯。
題外話/補充資料：
呢度除左可以食到多款新鮮嘅海鮮外，煮法亦都有好多選擇，其他菜式都好多元化，有川味啲嘅晾衣白肉、麻辣口水雞，又有西式啲嘅黑松露醬蝦多士、西班牙火腿片，真係唔食海鮮都可以嚟飲飲酒，吹吹水，店內亦有售紅白酒，襯秋涼時間放工同朋友坐戶外飲下酒食下火腿真係人生一樂也。
(以上食評乃用戶個人意見 , 並不代表OpenRice之觀點。)
張貼
