影片
更多
2022-03-19
2081 瀏覽
Neighborhood - 古語有云「識人好過識字」，通常中菜、日菜都會出現呢個情況，諗唔到呢一間一樣「鼻哥窿擔遮」即係遮住啲鼻毛、避無可避 （笑）雖然唔係熟客、但係每三個月都總會來一次，達文西嘅我每日都會喺銅鑼灣踢住對人字拖喺鵝頸橋街市撞到呢間餐廳大師傅一齊買魚，都叫做有幾面之緣，每次去呢間餐廳之前我自己都會做足功課睇到其他網紅食一啲好特別嘅食物，所以我每次去之前我都會問定嗰位總會係你買單之前遞張單俾你嘅時候同你講句「我哋呢度冇加一價」嗰位女士問佢可唔可以網開一面、大發慈悲俾我訂呢啲隱藏菜式呢、每次我都會「謝檸檬」 （講返加一，你又扮豪氣不收，買單又同人特登講，咁即係點呢，可能佢睇得日本節目矛盾大對決多，可惜我唔係朱古力波）話說有日喺佢餐廳用膳，見到佢個師傅有型地一如以往企喺個counter度切魚生，做隱藏菜式，我忍唔住問佢：「有冇多啊？可唔可以做少少俾我試吓」跟住師傅唱番首 周慧敏嘅「自作多情」俾我聽，事隔兩個月之後我再度幫襯，同樣情況發生，再挑機，師傅突然迴光返照同我輕輕地講一句「好啦」，我個心絕對含苞待放，興奮莫名一上枱去食之前我就先同個朋友嚟一個briefing 講解佢聽我
雖然唔係熟客、但係每三個月都總會來一次，達文西嘅我每日都會喺銅鑼灣
踢住對人字拖喺鵝頸橋街市撞到呢間餐廳大師傅一齊買魚，都叫做有幾面之緣，每次去呢間餐廳之前我自己都會做足功課睇到其他網紅食一啲好特別嘅食物，所以我每次去之前我都會問定嗰位總會係你買單之前遞張單俾你嘅時候同你講句「我哋呢度冇加一價」嗰位女士問佢可唔可以網開一面、大發慈悲俾我訂呢啲隱藏菜式呢、每次我都會「謝檸檬」 （講返加一，你又扮豪氣不收，買單又同人特登講，咁即係點呢，可能佢睇得日本節目矛盾大對決多，可惜我唔係朱古力波）
話說有日喺佢餐廳用膳，見到佢個師傅有型地一如以往企喺個counter度切魚生，做隱藏菜式，我忍唔住問佢：「有冇多啊？可唔可以做少少俾我試吓」跟住師傅唱番首 周慧敏嘅「自作多情」俾我聽，事隔兩個月之後我再度幫襯，同樣情況發生，再挑機，師傅突然迴光返照同我輕輕地講一句「好啦」，我個心絕對含苞待放，興奮莫名
一上枱去食之前我就先同個朋友嚟一個briefing 講解佢聽我嘅心路歷程，相機食先之後嘅第一啖忍唔住沖口而出講咗句 「X」，魚生只不過係隨你鍾意嘅質素 ，城市超級質素沙律菜，加少少鹽，隱藏得很「笑」
其他菜式真心普通，可能或者嗰個雞比較出色一啲，比Louise 好，但不是最好，可能未至於咁差，但係如果你食完之後隨即對該餐廳的菜式變成消失的味道咁嗰間餐廳未必係最出色，題外話嗰日本身我太太生日，朋友之間通常請壽星食飯，見到朋友太太情不自禁眉頭深鎖，氣場猶如超級撒亞人打斯路嗰隻悟飯一樣，我當然諗都唔諗，埋單時候，即刻好似杜汶澤大丈夫入邊搶着偷食用錯信用卡埋單嗰個情景、免得人哋食到背脊骨落，背後何東獅哮，我都做到咁樣，唔通要周圍同人講咩 「破壞之王橋段」（笑）唯有慨嘆一句世上好人難做
熟客有好嘢食呢個絕對古今中外自然定律，但係散客口碑亦都係不能忽視嘅一環，人情味又唔夠，另外Touchwood 嗰度有咩事，走火通道是否符合消防條例絕對值得考究～～～～
張貼
