影片
更多
2013-11-18
4205 瀏覽
琴晚為慶祝Aunite生日, 1行9人 (8大1細) 去左食呢間金滿庭!呢間我就一直未食過, 但次次經過都好多人等位今次都等左成差不多半個鐘~~~坐底後, 因為細佬同弟婦就曾經食過既關係, 就由佢地發板本來一心想試下呢度既北京烤鴨 (我諗即係北京填鴨啦)個部長竟然話冇喎..... 我唔知佢「冇」係指「賣哂」定「呢間分店冇供應北京烤鴨」但明明佢個餐牌係有架嘛.........好奇怪之後就叫左野冇耐, 好快就陸續上陣喇!!打頭陣既有雞絲粉皮份量真係都幾細下... 8個大人...一人一d都冇哂喇XD味道就係好重既麻醬味, 粉皮比較厚身D不過整體都OK既!第二樣係擔擔麵, 由於上得太快影唔切, 一黎已經開動左喇XD嗌左2碗, 一碗小辣, 一碗唔辣, 我就試左唔辣個碗味道又OK喎!! 本來以為唔辣就會好淡口, 但佢整得幾香濃除左麻醬花生,都仲食到D湯頭+葱花既香味!不過呢...麵質就較為粗左少少, 有D滯口既感覺...第三樣, 係呢個松子魚(?) <--唔知個名係乜根據Auntie所講, 呢條係一條鱸魚........聽豬仔講都幾多骨, 所以我都係食左一小啖魚肉試下味ja酸酸甜甜, 就
呢間我就一直未食過, 但次次經過都好多人等位
今次都等左成差不多半個鐘~~~
坐底後, 因為細佬同弟婦就曾經食過既關係, 就由佢地發板
本來一心想試下呢度既北京烤鴨 (我諗即係北京填鴨啦)
個部長竟然話冇喎.....
我唔知佢「冇」係指「賣哂」定「呢間分店冇供應北京烤鴨」
但明明佢個餐牌係有架嘛.........好奇怪
之後就叫左野冇耐, 好快就陸續上陣喇!!
打頭陣既有雞絲粉皮
份量真係都幾細下... 8個大人...一人一d都冇哂喇XD味道就係好重既麻醬味, 粉皮比較厚身D
不過整體都OK既!
第二樣係擔擔麵, 由於上得太快影唔切, 一黎已經開動左喇XD
嗌左2碗, 一碗小辣, 一碗唔辣, 我就試左唔辣個碗
味道又OK喎!! 本來以為唔辣就會好淡口, 但佢整得幾香濃
除左麻醬花生,都仲食到D湯頭+葱花既香味!
不過呢...麵質就較為粗左少少, 有D滯口既感覺...
第三樣, 係呢個松子魚(?) <--唔知個名係乜
根據Auntie所講, 呢條係一條鱸魚........聽豬仔講都幾多骨, 所以我都係食左一小啖魚肉試下味ja
酸酸甜甜, 就係似咕嚕肉既魚版~哈哈哈!!
第四樣 - 炒年糕
嘩呢個真係要負皮一下, 整到好乾一食落去, 年糕唔夠軟身, 亦入唔到味
感覺就係食緊一o舊無咩味, 韌韌地既物體...
呢個真係要再改良一下喇大廚~~
第五樣 - 小籠包!!
一人一粒, 熱辣辣送到!!一拎起既時候, 好似冇咩湯汁係入面long long下既感覺......
食落...係有既, 不過偏少....
對比起曾經係新蒲崗食過個間, 呢度真係比較遜色喇!
不過味道方面都ok, 真係係少d湯汁呢個問題~~
第六樣 - 豆腐!!
呢個豆腐不得不讚一下!!!外皮煎得香口, 咬開用左滑豆腐~食落去好滑好滑又夠味!
估唔到呢個豆腐可以整得咁好~~~讚!!!
第七樣 - 炒麵 (?)
um... 一上枱已經覺得同茶記平時既肉絲炒麵好似樣XDDDDDD不過.....我覺得茶記會比佢更好味.......
原因係佢用左有少少似伊麵咁既麵餅, 加上佢淋左D汁後
麵已經變唔脆, 連埋汁更加變左一PAT咁.....
呢個真係.... NOT GOOD...
第八樣 - 紅燒獅子頭
其實我好少食獅子頭, 因為比較"肉"既一道菜..今次呢個試左少少, 又唔錯喎, D肉唔會好膩既感覺
加埋個汁冇話好咸, 食落幾MATCH, 唔錯!
第九樣 - 水煮牛肉
由於弟婦同阿姨係嗜辣之人, 呢個菜佢地好喜歡XD對於我地呢D小食辣野既人黎講, 都尚可接受既程度
食左一個牛肉, 咬落都幾滑, 跟住就一陣麻味攻出黎~~哈哈哈哈!
小食一O舊半o舊係ok的!! 之後撈下撈下, 竟然有粉皮係入面bor!
挑戰左一條...嘩!!! 粉皮索左d汁真係辣到爆炸!! *口*
個粉皮好滑好滑, 都頗為煙韌, 如果消化唔係太好既朋友真係唔好食咁多
試左一條之後, 我同豬仔都放棄左喇XDDDDDDDD
第十樣 - 奶油津白!!
呢款又係今次推介的菜式, 鍾意食白汁 / CREAMY既朋友仔一定要試下!做得非常creamy!!!岩哂我呢D平日既牛油呀芝士呀白汁怪
D津白切到好幼細, 索埋D汁, 正呀!!!!!!!!XD
第十一樣 - 賽旁蟹
呢個基本上不過不失, 不過感覺上整得比平時食到既膩左小小即係食落口個蛋白只有種一pat野既感覺....
不過味道就調較得岩岩好~
到最尾仲叫左個高力豆沙!!
嘩, 對於唔太接受到甜野既我黎講真係極限......
本身個舊好似稔滋滋版泡芺既野已經甜..
仲要加左豆沙同香蕉.................=口=
鍾意甜食既朋友不妨一試, 但如果對甜食麻麻既朋友就真係三思喇
同埋一人半個試下都已經好夠, 一人一個既話真係會太多了@@
最後咁多樣埋單都係大概一千四百蚊, 叫左咁多樣野真係唔算貴了!
都適合一家大細黎食下飯, 因為環境坐得都比較舒服, 小朋友老人家都唔怕坐得迫
如果全男班聚會就要注意喇, 記得一人叫一個擔擔麵墊底先呀!!XDDDD
張貼
