影片
更多
2017-02-12
535 瀏覽
今日突如其來搵家姐食飯，佢叫我諗食乜。我比左兩個選擇佢揀，一係食印度野、一係食漢堡。佢就揀左佢附近最近大熱的漢堡店—鄰居Neighbor ✨✨✨其實上次我自己一個人黎緊食午餐，已經覺得里度係誠意之作。今次帶埋佢同佢男友一齊食，睇下佢地點睇。我地六點幾去到，小店入面冇人，得個老闆同兩位員工。我地自行拎餐牌坐底諗食乜好🤔我上次食左個美式牛肉漢堡既lunch set 即包漢堡、薯條同飲品，價錢為$48。果時我仲加左菠蘿（$8），因為我覺得冇加菠蘿既漢堡，好似差一點野甘。lunch set 既薯條唔係雙色薯條，係最original的美式粗薯。今次我就揀左佢既主打鄰居漢堡🍔（$58），入面有好多料，有佢地自制既手打牛肉扒、煙肉🥓、蘑菇、菠蘿🍍、車打芝士🧀、蕃茄🍅、紅洋蔥、羅馬生菜同佢地自家醬汁😋我鐘意既係佢地既漢堡係即叫即整，牛肉漢堡扒保持到肉汁，唔會好乾，煙肉係脆既，而且佢既自家醬汁同個漢堡幾夾。我一手拎起個漢堡，個漢堡對我黎講都算大，要一口咬晒成個包既唔同層係有點難度既。但一旦可以一次過咬晒甘多層，果種多層口感，會令我感到滿足既感覺，所以我堅持唔切成個咬，一路食一路滴d肉汁係塊木板同手上，都
其實上次我自己一個人黎緊食午餐，已經覺得里度係誠意之作。今次帶埋佢同佢男友一齊食，睇下佢地點睇。
我地六點幾去到，小店入面冇人，得個老闆同兩位員工。我地自行拎餐牌坐底諗食乜好🤔
我上次食左個美式牛肉漢堡既lunch set 即包漢堡、薯條同飲品，價錢為$48。果時我仲加左菠蘿（$8），因為我覺得冇加菠蘿既漢堡，好似差一點野甘。lunch set 既薯條唔係雙色薯條，係最original的美式粗薯。
今次我就揀左佢既主打鄰居漢堡🍔（$58），入面有好多料，有佢地自制既手打牛肉扒、煙肉🥓、蘑菇、菠蘿🍍、車打芝士🧀、蕃茄🍅、紅洋蔥、羅馬生菜同佢地自家醬汁😋我鐘意既係佢地既漢堡係即叫即整，牛肉漢堡扒保持到肉汁，唔會好乾，煙肉係脆既，而且佢既自家醬汁同個漢堡幾夾。我一手拎起個漢堡，個漢堡對我黎講都算大，要一口咬晒成個包既唔同層係有點難度既。但一旦可以一次過咬晒甘多層，果種多層口感，會令我感到滿足既感覺，所以我堅持唔切成個咬，一路食一路滴d肉汁係塊木板同手上，都食得有點狼狽，但係食漢堡就係甘，無辦法🤷🏻♀️
家姐就揀左大烤菇🍄牛肉漢堡🍔（$58），佢果個同我果個既分別就係佢果個係冇煙肉同菠蘿，但就有一個大既烤蘑菇（Portobello mushroom) 。我試左佢果個一啖，果大蘑菇同漢堡都好夾，鐘意食蘑菇既朋友可以一試。
佢男友就揀左特大香草雞扒🐔菠蘿漢堡🍔（$48），佢果個同我果個既分別就係冇左煙肉、芝士同手打牛肉扒，轉來特大香草雞扒，佢既自家醬汁都換成自家他他醬。佢個漢堡真係有名副其實既特大雞扒，漢堡一黎到，我地就嘩左一聲！😮我忍不住切左塊雞扒一部分出黎試食，雞扒厚身鎖住左肉汁，都食得出有香草味，我淨食雞扒覺得幾好味。佢男友食完話浮食雞扒好食點，因果個汁同漢堡唔係好夾，我未食過成個包就不作批評啦！
我地三個漢堡轉左兩個係餐，每個漢堡跟餐要加$16，會配埋雙色薯條同飲品。雙色薯條既黃色係薯仔🥔整成既粗薯，橙色果隻係用蕃薯🍠整成既薯條。我本人一向對比蕃薯係更愛薯仔，所以即使蕃薯薯條整得幾脆幾好味都好，我都係鐘意薯仔整成既粗薯。🙌🏻
我地仲叫多左個小食—水牛城雞翼($26)。我同家姐本來都唔鐘意果隻味，所以我地各試食左一隻，佢都係即叫即整，所以唔算太差。另外兩隻佢男友好開心甘食左，但佢冇講咩評價。
里間店set drink 得可樂、zero、雪碧、忌廉同lemon cc，可加錢轉Snapple 或鄰居特飲。我地就飲左可樂同雪碧，冇額外加錢。
我覺得里間店都值得回頭既，漢堡好味，下次想試另外其他漢堡同小食😌
鄰居漢堡
$58
43 瀏覽
5 讚好
0 留言
大烤菇牛肉漢堡
$58
56 瀏覽
1 讚好
0 留言
特大香草雞扒菠蘿漢堡
$48
40 瀏覽
1 讚好
0 留言
水牛城雞翼
$26
44 瀏覽
1 讚好
0 留言
張貼
