小方糖甜品 (新都城中心三期)

營業中

休息中

我真係好鍾意食小方糖，因為佢嘅Menu好豐富，而且有啲idea都好創新。我每一次黎食都必定會叫芒果拿破崙，佢係有一層芒果汁同埋忌廉鋪係三大舊酥皮批上，酥皮非常之脆口，而芒果醬一d都唔假，有好重新鮮芒果味，亦都有好多芒果粒，兩者配搭埋一齊食，又甜又脆又重芒果味，好好食。另外我都鍾意食佢嘅心太軟，佢嘅心太軟唔會太甜，因為出面有啲甜品店整到個心太軟好甜，我真係好怕。不過我鍾意食佢嘅心太軟唔係因為佢唔甜，而係因為佢會畫公仔係隻碟到呢！我試過收到佢畫左隻喬巴，又試過收到佢係側邊畫左一個有顏色嘅蘑菇仔，我覺得好得意亦都好有心思。