動漫樂園及主題餐廳 (已易手) 新餐廳

買咗團購劵，帶呢3隻馬騮來呢個動漫遊戲機中心玩，地方其實唔大，遊戲唔算多，不過3隻馬騮任佢哋決定玩乜遊戲，佢哋都好盡興，團購包埋餐廳$50玩金劵，所以晏晝就在樂場餐廳食！餐廳地方幾大，牆上全是卡通人物畫，樓底高幾開揚，不過我入座時，部分地方封場比人包場攪生日會，所以座位都唔夠，先去櫃臺落單，店員有比意見，攞個呼叫器同單據，食物幾快出，留單據之後攞雪榚！咸蛋超人兒童餐（便當）（$88）個便當盒賣相靚炸魚手指：炸得香脆，不過味道較實，好多粉嗰啲，唔係靚魚手指有一絲絲魚肉！什果沙律：水果都係罐頭嗰啲！正常！蕃茄香草肉醬意粉：肉醬肉碎多但比較水，掛唔到意粉，味道幾好嘅，雲尼拿雪榚：姨甥食跟餐蘋果汁：姨甥飲軟殼蟹白汁忌廉蟹籽意粉（$99）白汁濃郁好味，剛好掛住意粉，意粉煙韌，軟殼蟹一隻，炸我脆，蟹身味道幾濃！跟餐蘑菇湯：忌廉湯幾滑，中央仲有蘑菇碎，幾好秘製咖哩雞扒意粉（$71）賣相唔錯，店員話微辣，但咖哩汁太濃，濃到帶苦，雖然雞肉滑，薯仔又入味兼炆得稔口，但都因為啲汁over咗而食唔到，意粉有咬口，幾彈牙！唔錯！ 跟餐檸檬茶（加$5）茶味幾濃，清爽唔澀雪榚：雪榚好似雪咗好耐，賣相唔得，店員𢳂都有