飯飯店 (已結業)

推介雞煲今次是專程來食雞煲的。有人話，食雞煲一定要食辣既，嗜辣一族既我表示十萬分同意，試問唔辣既雞煲又點叫做雞煲呢?我同細佬坐低，叫左半隻雞煲，驚唔夠飽，又叫多碟小炒王雞煲上枱，已是香氣撲鼻，青紅椒襯托的醬香雞件很有光澤，熱力逼人。 食個陣，舌頭先感受到燙熱，然後牙齒沒入嫩滑的雞肉，輕輕撕開，就嘗到醬汁的花椒，八角，洋蒽香味，再提起一陣陣辣，真係超爽! 食左幾舊，都冇嚡口。 辣度唔算太勁，但配合醬汁味道很爽，依個雞煲可以列入我最鍾意既幾間雞煲之一。 而我地都趁熱好快甘消滅左佢。 食完雞煲之後，我地就轉攻小炒王。 小炒王上枱時油亮有熱氣，份量幾足，有香脆的腰果，蒜苗,爽彈的玻璃蝦，魷魚，還有咸香的蝦乾，口感甚為豐富，以XO醬炒過，熱辣香口，甚為惹味，用來下飯不錯。 以雞煲同小炒王送左兩大碗白飯，我同細佬都飽到痴線，下次再黎要搵多條友。