王家沙．花樣年華 (金朝陽中心) (已結業)

好耐無去過王家沙食飯，咁啱嗰日行開銅鑼灣，老婆話想食小籠包，第一時間就諗起去嗰度食飯，最後同老婆同個仔喺無訂枱情況底下就上咗去食飯，可能時間尚早，食客不多，侍應安排了近窗口梳化位置，餐廳樓底很高，感覺舒服，侍應服務態度很好，一座底就主動倒茶，見到有小朋友同桌，仲主動提供清水給小朋友，值得讚賞，食物方面，點了一個涼菜拼盤，皮蛋豆腐刀功精細，醉雞不太咸，小籠包上枱熱辣辣，湯汁濃郁，點了一個黑松露蝦仁，味道不過不失，蝦肉爽口，太太喜歡食魚，點了個酸菜魚，魚肉嫩滑，辣度適中，整體上都好好，下次一定會再來