雅苑小廚 (已結業)

夜晚放工唔想去去APM食啲集團式餐廳，可以試吓呢間。雖然佢係普通茶餐廳，但係啲小菜都唔錯。今次叫咗梅菜蒸肉餅同椒鹽茄子鮮魷，首先講個蒸肉餅先，啲梅菜食落口唔太鹹，同埋啲豬肉唔算太多梳打粉，食落口啲豬肉唔算太淋。另外個椒鹽茄子鮮魷，啲茄子食落都幾香脆，外脆內軟，配埋啲炸蒜蓉幾好食。而啲魷魚亦都唔係多炸粉，又唔係炸咗好耐，食落口都幾彈牙。而最緊要係呢碟茄子鮮魷上枱時仲係熱辣辣，唔係擺咗好耐同一早炸定，整體呢兩味餸唔錯，值得再去試其他餸。