大頭蝦南風海鮮酒家

營業中

休息中

之前有朋友介紹所以去左食呢間隱世既大頭蝦海鮮酒家，估唔到咁有驚喜～薯仔牛柳粒，一拎出黎就知好夠鑊氣，牛柳粒十分嫩滑，好味～ 但最驚喜既係 d 薯仔，外皮香脆，內裏綿密軟滑，味道完全超越想像，暫時食過最好味既薯仔係佢！唔係誇張，真係每一啖都令人欲罷不能，呢道菜俾我既感覺是：超、超、超好食！😋😋😋面醬肉碎生菜，呢道菜感覺有少少麻婆豆腐的變種版，用既係碎肉和生菜，配上甜鹹的面醬，味道好濃郁，生菜爽脆清甜，呢個配搭非常好 👍🏻川味烤鯇魚，我地要小辣，感覺啱啱好，魚肉經過烤制之後變得十分鬆軟，而且嫩滑，滋味非常 😋今次晚餐好有驚喜，價格合理，份量十足，食物質素好高，期待下次再返黎試下其他菜式！