靠得住粥麵小館 (奧海城二期)

營業中

休息中

每次經過靠得住都見到要門口排隊等位，今次都唔例外，好彩等左一陣就已經有點得入。中午lunch set餐牌有得揀食小菜或者粥/麵，選擇都幾多，不過價錢就唔算平。尤其如果食粥都比較貴，可能因為米芝蓮啦。經朋友大力推薦，我今次揀左食香酥排骨菜飯，上次朋友食過都讚不絕口。另外見到附近檯都頗多人食水晶雞，賣相都好吸引。套餐包左野飲，仲有得揀柚子蜜/柑桔蜜。不過落左order之後，佢啲野食黎得比較慢，我地3個人黎食，等左廿幾分鐘都完全無野食上檯，最後都係要催佢。排骨黎到賣相睇落唔錯，本身有啲驚炸排骨配飯會太齋，點知食落又唔會。排骨炸得都幾脆，熱辣辣而且啖啖肉，啲肉又唔會太乾身好dry。而且我估唔到佢啲菜飯都幾好食，幾香口，齋食飯都無問題。餐廳會收$3茶芥，比嘅係蘋果茶都幾特別，另外仲要再收加一，所以埋單都要近$70蚊唔平，不過啲野食質素唔錯，間唔中食下都ok。