夢樂園 (已結業)

如果行開黎尖沙咀，定必會上黎呢間小店。因為老闆娘係一個好有愛心既人，佢收養既猫都係流浪或者係被遺棄既可愛小猫，身為愛猫之人，當然要去探店，野食好食而且仲可以同小猫玩。叫左兩個午餐，價錢係尖沙咀黎講一定係屬於低食食！風酥豬扒飯 - 香脆，肉質嫩滑紅鳳凰口水雞 - 冇骨，啱晒鍾意啖啖肉嘅人，而且呢個口水雞辣度適中，次次黎都叫，因為呢個辣味好岩送飯食😌😌小食花枝丸 同埋 台灣腸 - 好有台灣既風味野飲冬瓜茶 - 自家製作，唔會死甜，適合注重健康同埋鍾意飲台式冬瓜茶嘅人士芋頭沙奶茶 - 好特別，芋頭味好重，如果鍾意芋頭嘅人士，應該呢個會好岩雖然小店選擇唔算話好多，但係每一種嘢食都係經過悉心製作，用了充足，唔會馬馬虎虎咁樣。如果你鍾意食呢一類型嘅嘢食，又可以同一時間同貓仔玩，就一定要嚟呢間店度試下。