閩味千里香餛飩皇

營業中

休息中

住左咁多年第一次來食，小店門口細細原來都有幾多座位，環境就一般。玉米鮮肉小餛飩 $36成碗都係小餛飩望見好滿足，雖然細細粒但有廿粒，感覺都幾抵食。餛飩皮薄軟滑無鹼水味，餡肉多非常足料，但食落餛飩餡唔多夠味，需醮下豉油增味，好似紅油炒手咁食就好美味，一啖一粒啖啖肉口感唔錯。韭菜鮮肉煎餃子 ＄36餃子八粒，外皮煎得香脆，餃子唔多飽滿，餡料有蘿蔔絲鮮肉少韮菜少，口感ＯＫ，只欠韮菜味。加麵底 $10麵質一般還可以，只係湯底無味。灼菜心$12菜心幾新鮮，口感柔嫩清脆，無油食白灼食得健康，價錢經濟。凍豆漿 $7飲落有豆香係唔夠滑，飲到底有Ｄ沙沙地飲到豆渣感覺，隔渣不夠切底。