影片
更多
2017-11-07
16658 瀏覽
開張不久有次經過就順便試過呢間鹿角巷，飲左兩款都算係招牌啦 - 黑糖鹿丸鮮奶、皇家9號奶茶。老實講我就覺得一般般，唔係好啱我地口味。鹿丸鮮奶都還可以，其實都係加左黑糖嘅鮮奶，冇乜特別；9號奶茶有點伏味濃。本來就真係冇興趣回訪，不過最近見到佢地更新左餐單，最重要係仲換上左新杯子，再去打個卡。雖然係週日，不過人龍已經冇最初開嘅時候咁多人，如果唔係前面有人一次過買十杯，相信我十分鐘都唔洗就到手，都係合理時間。呢度供應輕茶、奶茶、鮮奶茶、鮮果等超過30款飲品，可加錢配珍珠/椰果/蒟蒻/蘆薈/紅豆/芋豆，仲有蝶豆花漸層系列，定價 $14-38。為左消除上次嘅遺憾，諗都唔諗揀左小鹿出抹。小鹿出抹 $26黑糖鹿丸系列有鮮奶、可可、抹茶，固定甜度，不能自選，對比上次嘅鮮奶，我覺得抹茶係有比較好飲。黑糖鹿丸即係配黑糖煮過嘅珍珠，飲品拎上手底部仲係好熱，食落黏身煙韌有咬口至於抹茶，雖然未至於回甘，但都比想像中已經濃啲，未算順滑。不過黑糖始終都係甜啲，如果一野飲到底會覺得好甜，蓋過茶味，最好撈勻飲。如果呢個系列可以自選甜度會更加好，畢竟有不少人都唔係好接受到台式飲品嗰種甜度。今次就因為呢個咁可愛嘅包裝而回訪
雖然係週日，不過人龍已經冇最初開嘅時候咁多人，如果唔係前面有人一次過買十杯，相信我十分鐘都唔洗就到手，都係合理時間。
呢度供應輕茶、奶茶、鮮奶茶、鮮果等超過30款飲品，可加錢配珍珠/椰果/蒟蒻/蘆薈/紅豆/芋豆，仲有蝶豆花漸層系列，定價 $14-38。
為左消除上次嘅遺憾，諗都唔諗揀左小鹿出抹。
小鹿出抹 $26
黑糖鹿丸系列有鮮奶、可可、抹茶，固定甜度，不能自選，對比上次嘅鮮奶，我覺得抹茶係有比較好飲。
黑糖鹿丸即係配黑糖煮過嘅珍珠，飲品拎上手底部仲係好熱，食落黏身煙韌有咬口
至於抹茶，雖然未至於回甘，但都比想像中已經濃啲，未算順滑。
不過黑糖始終都係甜啲，如果一野飲到底會覺得好甜，蓋過茶味，最好撈勻飲。
如果呢個系列可以自選甜度會更加好，畢竟有不少人都唔係好接受到台式飲品嗰種甜度。
今次就因為呢個咁可愛嘅包裝而回訪了~
張貼
