Deer Kitchen (已搬遷) 新店位置

最愛找尋樓上鋪，今次搵到Deer Kitchen, 佈置少不了小鹿！ 空間感好好，公司黎食下飯都唔錯！最愛係牆上既一句，有咩好過煮野既人既心思同用心呀！ 食返個set dinner, 好豐富！ 計前菜頭盤都唔係一般方式！ 蒜蓉包熱辣辣仲好脆， 但味道唔會太重，唔使成個口都個陣味！👏🏽👏🏽 黑松露意大利雲吞， 脆麵條配忌廉汁同大大隻黑松露意大利雲吞，味道夾得好好！特別之處，雲吞皮好有咬口，唔係一般外面賣既意大利雲吞！ 忌廉薯仔湯，薯仔已經整溶變粉，但一d都唔鞋，仲好濃味！ 主角 - 香煎比目魚配意大利黑醋汁，比目魚煎完再配黑醋汁，感覺完全唔會油膩。比目魚外層脆，裡面嫩滑！不得不提配菜，有紫薯蓉香甜軟滑，旁邊既配菜都調過味，唔係hea架！果然好有心思！ 最後，仲有甜品同餐飲，眼睇好似唔係好多野食咁，但其實好飽，叫杯檸水幫助下消化！甜品係藍梅芝士蛋糕，有種好似曾相識既味道！