Brew Dog Coffee Co.

營業中

休息中

📍新蒲崗 Brew Dog Coffee Co.因為住得近，所以以前成日都去新蒲崗食飯。但係因為最近周圍開咗好多商場，所以都好少再行過去呢一面食嘢。今日時間好耐，嚟到呢一間位於一樓嘅真點隱世cafe。舖頭嘅面積唔大，但係座位都坐得好舒服，佢係喺一樓轉角再轉角嘅位置，所以都搵咗一段時間。٩(˃̶͈̀௰˂̶͈́)و蟹膏濃蝦汁虎蝦蟹肉意大利飯呢一道菜真係非常之有驚喜，已經超大碟，但係食完都仲想再食。佢每一啖都滿佈住蟹膏嘅香味，而且飯粒中間夾雜着蟹肉，令到成個口感都好有層次。再加上佢嘅意大利飯並唔係用普通飯粒，口感好似意粉咁，但係形狀係米粒，非常之特別。整體嚟講成個主菜都好入味，而且蝦份量都好多，咬落去仲要好爽口。開心果咖啡那堤本身喺度睇緊嘅時候都諗緊那堤係乜嘢嚟😂原來係latte既譯名，超級搞笑🙈佢嘅開心果除咗有味道之外，仲會有淡淡咬口，配上濃厚嘅牛奶同埋香濃嘅咖啡，成個配合係超正🩵🙌🏻仲要一上枱嘅時候有三個層次，啱晒鍾意打卡嘅你。