牛之館 (已結業)

今日同朋友食飯同 我哋嚟到朗豪坊呢間牛之館度打邊爐 餐廳打破咗我一直對火鍋店嘅印象 裝修好少女風 全部都係粉紅色 加上雲石枱面 好多金屬嘅配置 打卡一流 夜晚嚟到人唔太多 俾咗張好闊落嘅卡位我哋餐廳好多熟食 仲有我至愛嘅麻辣雞翼尖同埋豬腳薑 炆得超冧超入味 飲品都有唔少嘅選擇 最特別係可以自己調配台式飲品 蜜桃烏龍 加上超超超多芝士奶蓋 極度邪惡到咗重頭戲打邊爐啦 牛肉同豬肉都係任食 肥牛脂肪好多 做到入口即溶 肉質紅潤 夠晒新鮮豬腩片 薄切 有爽口嘅效果 一啲都唔油膩當然仲有自取嘅丸類同蔬菜 真係捧住個肚走啊