唇茶 (香港工業中心A座) (已改名) 查看

香港地好多女仔都鍾意飲手搖飲品，但係又怕肥又唔健康。好彩有唇茶😁特別係行行吓街好頸渴嘅時候想飲啲爽口嘅嘢。飲過咁多間分店，長沙灣呢間沖得特別好飲🤤本人唔鍾意好甜嘅嘢唔鍾意咁漏，女人又唔飲得凍嘢。所以我次次都少甜少冰，或者係飲熱嘅。佢個小冰真係少冰，唔會好似其他茶飲店咁樣用啲冰揸流攤。 今次飲Double may，同埋買咗杯花果山俾我個friend，兩杯都好好飲，好清甜，特別鍾意Double may嗰個Combo，微酸，同埋嗰種甜明顯係好天然嘅甜唔係落糖，30幾蚊杯個底仲要有桃膠，真係好抌本！飲咗咁耐先至寫食評，希望佢哋長做長有，如果唔係我都唔知飲咩好🫣