影片
更多
2018-09-04
51 瀏覽
通常人地都推介元朗街頭小食，今次喺偶然嘅情況下，比我撞正揀左間幾好坐，又有驚喜好味、食西餐嘅小店。店內裝修冇話好有特色，不過都算夠空間感，全店坐滿人嘅話都最多廿幾個客，真係"小"店啊唔會爆多人，咁至最好坐。餐廳有海鮮啊、意粉、pizza之類嘅野食，而佢最為特色嘅係 斧 頭 扒！不過呢個大過塊面嘅斧頭扒就要事先早兩三日預約，餐廳就會特地為你訂購材料同製作㗎喇可惜，冇準備下撞入呢度，所以食唔到揀左主食，加$28就可以做套餐，包野飲同沙律/湯~佢野飲、沙津、甚至豬手都加左香橙，夠晒fresh。牛頰肉好似比較少聽同少見，今次特登嗌黎試下。講下麵質先，煮得啱啱好，咬落彈牙，個汁冇話好多，味道似係肉汁，唔係稠撻撻嘅厚醬汁，所以食落都幾乾爽，唔會好heavy。牛頰肉食落勁似牛腩！留意返，個肉應該係用紅酒燴過，所以好大陣紅酒味，唔鍾意酒味嘅朋友可能會覺得陣味怪怪地的！略嫌個肉嘅紅酒味唔夠香，可能係用嘅酒唔夠好？食落去只知係酒味，但冇真係齒頰留香平時出街食西餐都普遍見到有豬手食。今次呢間嘅豬手又比到我小驚喜。隻豬手唔係好大隻，兩個人都完成到的份量可能因為夠細隻，令煮嘅時候控制到個皮嘅脆度同肉嘅嫩度。豬皮
店內裝修冇話好有特色，不過都算夠空間感，全店坐滿人嘅話都最多廿幾個客，真係"小"店啊唔會爆多人，咁至最好坐。
餐廳有海鮮啊、意粉、pizza之類嘅野食，而佢最為特色嘅係 斧 頭 扒！不過呢個大過塊面嘅斧頭扒就要事先早兩三日預約，餐廳就會特地為你訂購材料同製作㗎喇
可惜，冇準備下撞入呢度，所以食唔到
南瓜忌廉湯
4 瀏覽
0 讚好
0 留言
揀左主食，加$28就可以做套餐，包野飲同沙律/湯~
佢野飲、沙津、甚至豬手都加左香橙，夠晒fresh。
燴牛頰肉寬條麵
5 瀏覽
0 讚好
0 留言
牛頰肉好似比較少聽同少見，今次特登嗌黎試下。
講下麵質先，煮得啱啱好，咬落彈牙，個汁冇話好多，味道似係肉汁，唔係稠撻撻嘅厚醬汁，所以食落都幾乾爽，唔會好heavy。
牛頰肉食落勁似牛腩！留意返，個肉應該係用紅酒燴過，所以好大陣紅酒味，唔鍾意酒味嘅朋友可能會覺得陣味怪怪地的！
略嫌個肉嘅紅酒味唔夠香，可能係用嘅酒唔夠好？食落去只知係酒味，但冇真係齒頰留香
脆炸豬手
5 瀏覽
0 讚好
0 留言
平時出街食西餐都普遍見到有豬手食。今次呢間嘅豬手又比到我小驚喜。
隻豬手唔係好大隻，兩個人都完成到的份量
可能因為夠細隻，令煮嘅時候控制到個皮嘅脆度同肉嘅嫩度。
豬皮夠晒香脆又冇燶，皮同肉中間有層jelly口感嘅皮，三層夾埋一齊咬落去好正。
話說有個心思位係餐廳將伴菜焗薯仔改左做薯蓉，夠creamy又好食，又冇咁滯
呢間小店環境夠簡單，人流唔係好多，坐得好舒服，除左晚飯時間，下次都想試下tea time黎hea下
張貼
