影片
更多
2020-07-14
78 瀏覽
一沢拉麵(3.8/5) 🌕🌕🌕🌖🌑推薦程度：🔥🔥🔥 (5🔥為最高)再帶大家黎到🌿K11 Musea 🍀食好嘢，K11 Musea近排新開好多鋪頭，今次黎到K11 Musea食新開嘅拉麵🍜店，呢間就係一沢拉麵🍜，如無意外依篇食評就係一沢拉麵嘅首篇食評，一於等我為大家試吓伏先。一沢拉麵係K11 Musea B2 層Food Playground ，尖沙咀地鐵站🚉J2出口，入到K11 Musea落右手邊扶手電梯再轉左前行就見到，附近有好多林林總總嘅餐廳，之前我都有寫食評介紹過附近幾間餐廳比大家。平時大家去未食過嘅餐廳，大家都會開OpenRice睇吓有咩推介嘅野食野飲或者睇吓食評😉，今次呢間新開餐廳一沢拉麵開咗無耐所以仲未有食評。餐牌上有幾款拉麵比大家揀，見到右邊個個黑松露拉麵好似幾吸引咁喎，於是我就叫左黑松露叉燒拉麵再加埋味玉。當日禮拜六去，比之前黎講，K11 Musea 周圍多左好多人出嚟食嘢，今次都等左差唔多十分鐘，睇吓係咪真係咁好食先⋯⋯黑松露叉燒拉麵加味玉(3.8/5) 🌕🌕🌕🌖🌑黑松露叉燒拉麵($80)加味玉($12)，加埋要💸$92，埋單差唔多要成一百蚊，價錢黎講偏貴💸💸，其他拉
推薦程度：🔥🔥🔥 (5🔥為最高)
再帶大家黎到🌿K11 Musea 🍀食好嘢，K11 Musea近排新開好多鋪頭，今次黎到K11 Musea食新開嘅拉麵🍜店，呢間就係一沢拉麵🍜，如無意外依篇食評就係一沢拉麵嘅首篇食評，一於等我為大家試吓伏先。
一沢拉麵係K11 Musea B2 層Food Playground ，尖沙咀地鐵站🚉J2出口，入到K11 Musea落右手邊扶手電梯再轉左前行就見到，附近有好多林林總總嘅餐廳，之前我都有寫食評介紹過附近幾間餐廳比大家。
平時大家去未食過嘅餐廳，大家都會開OpenRice睇吓有咩推介嘅野食野飲或者睇吓食評😉，今次呢間新開餐廳一沢拉麵開咗無耐所以仲未有食評。餐牌上有幾款拉麵比大家揀，見到右邊個個黑松露拉麵好似幾吸引咁喎，於是我就叫左黑松露叉燒拉麵再加埋味玉。當日禮拜六去，比之前黎講，K11 Musea 周圍多左好多人出嚟食嘢，今次都等左差唔多十分鐘，睇吓係咪真係咁好食先⋯⋯
黑松露叉燒拉麵加味玉
$92
13 瀏覽
0 讚好
0 留言
黑松露叉燒拉麵加味玉(3.8/5) 🌕🌕🌕🌖🌑
黑松露叉燒拉麵($80)加味玉($12)，加埋要💸$92，埋單差唔多要成一百蚊，價錢黎講偏貴💸💸，其他拉麵鋪都係差唔多呢個價錢，加上呢度又係旅遊區，黎得依度食一百蚊埋單差唔多啦。賣相正正常常，望落去好似幾足料🤩。打完卡📸即刻試吓先，飲啖湯先，個湯好濃郁但唔會好咸，叉燒就大大一塊，半肥瘦適中，加埋黑松露，兩者一齊食又幾正喎，口感層次多左，有黑松露令成個味道昇華左。試埋個拉麵先，拉麵硬身啱晒我，個麵好爽口，加埋其他配料食又幾好味喎，最後緊係要試埋隻蛋，隻蛋要特登另外加，隻蛋流心好好食😋，加$12都值得。
整體份量真係太少啦，所有野食一目了然，叉燒好食係好食，不過得過一塊，完全唔夠喉，麵又少，我食多幾個都仲得呀⋯⋯
黑松露叉燒拉麵
$80
15 瀏覽
0 讚好
0 留言
味玉
$12
8 瀏覽
0 讚好
0 留言
總括來說，黑松露叉燒拉麵整體上幾好味，最好加埋味玉，加埋味玉正好多。好食係好食嘅，不過價錢就偏貴💸，份量又少喎，性價比低。Food Playground 嘅餐廳以自取食物形式，呢間餐廳餐具係要自己係個餐具兜拎，這樣做法不太衛生，因為唔知道之前拎餐具嘅食客有無感染，最好就由餐廳為每個餐擺放好餐具，以減少大家感染風險⋯⋯
我都幾推薦大家黎K11 Musea 嘅一沢拉麵，除咗黑松露叉燒拉麵，呢間餐廳仲有提供好多款拉麵比你揀，安格斯牛肉拉麵，極上原隻龍蝦🦞拉麵好似又幾吸引喎，有機會過嚟試吓依個先⋯⋯
張貼
