影片
更多
2024-06-02
55 瀏覽
尖沙咀南洋中心有間開咗好多年嘅隱世日本菜，難得朋友返香港，當然要一齊回味吓～今日前菜係蟹籽沙律，蟹柳絲加埋爽脆青瓜絲非常開胃。螢光魷魚乾係我最愛，烘香咗，熱熱地入口鬆化。螢光魷魚乾又比一般魷魚乾濃味，係絕佳嘅佐酒小食！見佢哋宜家21週年限量大激安除咗啤酒同清酒有優惠外，刺身同小食都好抵食。我哋嘅刺身拼盤交俾師傅發板。時令空運薄切魚（深海池魚）同時令活石蠔都係優惠之一；特別喜歡佢哋個柚子醋，可以帶出深海池魚嘅鮮味。油甘魚刺身厚切同鯛魚白子，都係即日空運到港。今次最特別係食咗個八爪魚吸盤。師傅好有心機將三文魚籽放於吸盤內，唔單止賣相靚，三文魚籽為八爪魚吸盤添上自然咸味，精緻又有咬口。熱食方面，激安價嘅燒牛小排原來用咗蝴蝶腩部份，怪不得肉味咁突出。蒲燒鰻魚飯鰻魚夠厚身啖啖肉，日本米亦特別彈牙。炸豬肉餃子熱辣辣非常香口；粟米天婦羅就炸到金黃色，粟米飽滿香甜，十分驚喜。野菜鍋 有少少辣，南瓜軟糯入口即融 。兩個人食到好飽，人均消費都係七百幾，絕對係性價比之選！值得推介👍🏻
今日前菜係蟹籽沙律，蟹柳絲加埋爽脆青瓜絲非常開胃。螢光魷魚乾係我最愛，烘香咗，熱熱地入口鬆化。螢光魷魚乾又比一般魷魚乾濃味，係絕佳嘅佐酒小食！見佢哋宜家21週年限量大激安除咗啤酒同清酒有優惠外，刺身同小食都好抵食。我哋嘅刺身拼盤交俾師傅發板。時令空運薄切魚（深海池魚）同時令活石蠔都係優惠之一；特別喜歡佢哋個柚子醋，可以帶出深海池魚嘅鮮味。油甘魚刺身厚切同鯛魚白子，都係即日空運到港。今次最特別係食咗個八爪魚吸盤。師傅好有心機將三文魚籽放於吸盤內，唔單止賣相靚，三文魚籽為八爪魚吸盤添上自然咸味，精緻又有咬口。
熱食方面，激安價嘅燒牛小排原來用咗蝴蝶腩部份，怪不得肉味咁突出。蒲燒鰻魚飯鰻魚夠厚身啖啖肉，日本米亦特別彈牙。炸豬肉餃子熱辣辣非常香口；粟米天婦羅就炸到金黃色，粟米飽滿香甜，十分驚喜。野菜鍋 有少少辣，南瓜軟糯入口即融 。兩個人食到好飽，人均消費都係七百幾，絕對係性價比之選！值得推介👍🏻
張貼
