傷心酸辣粉 (科學館道) (已結業)

平時都有食開呢間餐廳，所以今日去完科學館既木乃伊展後就去左附近既分店醫吓個肚，加上呢間餐廳又有好多唔同嘅菜式，每次都可以試新野，因此我係食極都唔會厭既一如既往，鋪面都係好整齊乾淨，光線非常充足，仲有卡座可以坐望左一陣餐牌，我同阿媽都覺得呢個餐吸好引住，因為呢個餐真係好多野食，份量仲好多咁，實會食到好滿足~~~皇牌口水雞雖然有啲辣，但係係我可以接受嘅範圍，入面嘅雞又滑又入味，好開胃小黃瓜清甜爽口，令紅油蒜茸小黃瓜無咁辣，帶嚟清新嘅感覺香酥雞軟骨係其中一個唔辣嘅菜式，佢炸得好香口，一口大小都食得好方便芝士同豆腐都好滑，表面個層炸得金黃，所以呢個黃金芝士豆腐外脆內軟，食得好過癮重點來喇！紅薯粉晶瑩剔透，食落好滑口，花生同蔥花令碗麵更加香，食咗一啖之後就停唔到口阿媽呢碗紅薯粉係唔辣嘅，不過一樣咁好食，無咗啲辣味仲更加容易食到原本嘅味道。另外手撕包菜好清甜同爽口，食辣嘢之後可以中和番，等自己唔辣死飲埋呢杯酸梅冰真係爽！